Boxingnews24.com پورتالىنىڭ تٸلشٸسٸ اللان فوكس گەنناديي گولوۆكينگە قاتىستى ماتەريال جارييالادى. وندا جۋرناليست وتانداسىمىزدىڭ ەسەپشوتىندا قانشا اقشا بار ەكەنٸن ايتتى, - دەپ حابارلايدى Vesti.kz تٸلشٸسٸ.
گولوۆكين 2020 جىلدىڭ جەلتوقسانىنان بەرٸ جەكپە-جەك ٶتكٸزبەدٸ. ول سوڭعى رەت نيۋ-يورك قالاسىندا پولشالىق كاميل شەرەمەتامەن قولعاپ تٷيٸستٸرٸپ, جەڭٸسكە جەتتٸ. سودان سوڭ قازاقستاندىق بوكسشى بيىل جەلتوقساننىڭ سوڭىندا ورتا سالماقتا WBA Super بەلبەۋٸنٸڭ يەگەرٸ ريوتا مۋراتامەن كەزدەسۋٸ كەرەك ەدٸ. الايدا جاپونيياداعا كارانتيندٸك شارالارعا بايلانىستى بۇل جەكپە-جەك كەيٸنگە شەگەرٸلدٸ.
"بٸراز ۋاقىتتان بەرٸ كەزدەسۋ ٶتكٸزبەگەن گولوۆكين از بولسا دا, تانىمالدىلىعىنان ايىرىلدى. دەگەنمەن بۇل مەسەلە ونى ۋايىمداتا ما, جوق پا بٸلمەيمٸن. سەبەبٸ قازاقستاندىق بوكسشى كارەراسىن اياقتاۋعا جاقىن. شىنىمدى ايتسام, گەنناديي ەندٸ ەكٸ كەزدەسۋ ٶتكٸزسە, ونىڭ ٶزٸ جامان ەمەس. Celebrity Net Worth اقپاراتى بويىنشا, گولوۆكيننٸڭ بايلىعى 30 ميلليونعا تەڭ. ەگەر چەمپيوننىڭ مۇنداي بايلىعى بولماعاندا, ول 12 اي بويى دەمالماي, باياعىدا جەكپە-جەك ٶتكٸزەر ەدٸ", - دەپ جازادى اۆتور.
ايتا كەتەيٸك, بٷگٸن تانىمال پروموۋتەر ەددي حيرن گولوۆكين مەن ريوتا مۋراتا اراسىنداعى ايقاستىڭ قاشان ٶتەتٸنٸن ايتتى. ونىڭ مەلٸمدەۋٸنشە, جەكپە-جەك ناۋرىز نەمەسە سەۋٸر ايىندا ٶتەدٸ.
