جاقىندا WBA Super, WBC مەن IBO بويىنشا ەلەم چەمپيونى گەنناديي گولوۆكين تٶرت بەلبەۋٸن ەلباسى نۇرسۇلتان نازارباەۆقا سىيلادى. كٷنٸ كەشە بارلىق بەلبەۋلەر قر پرەزيدەنتٸ مۇراجايىنا تاپسىرىلعان بولاتىن, دەپ حابارلايدى قازاقپارات تٸلشٸسٸ.
قازاقستاننىڭ كەسٸبي بوكس فەدەراتسيياسىنىڭ ۆيتسە-پرەزيدەنتٸ ۆيكتور دەميانەنكونىڭ ايتۋىنشا, سپورتشى ٶز بەلبەۋلەرٸن بٸرەۋگە سىيلاسا, بوكس ۇيىمدارى وعان دۋبليكاتتى جاساپ بەرە الادى. سوندىقتان الداعى جەكپە-جەكتە گەنناديي گولوۆكين جاڭادان جاسالعان بەلبەۋلەرٸن الىپ شىعادى. «نەگٸزٸ, وندايدا بوكسشىنىڭ كومانداسى حالىقارالىق بوكس فەدەراتسييالارىن ەسكەرتٸپ قويادى. سونىڭ نەگٸزٸندە بەلبەۋلەردٸڭ كٶشٸرمەلەرٸ جاسالادى. ٶيتكەنٸ ەر تٷرلٸ جاعدايلار بولادى عوي. بٸرەۋگە سىيلايدى, جوعالتادى, يا بولماسا, ۇرلاتىپ الادى. وندايدا دۋبليكاتتى جاساپ بەرەدٸ. ەرينە, بەلبەۋدٸڭ كٶشٸرمەسٸ تەگٸن جاسالمايدى. وعان اقشا تٶلەۋگە تۋرا كەلەدٸ», - دەدٸ ۆ.دەميانەنكو قازاقپارات تٸلشٸسٸنە بەرگەن سۇحباتىندا.
ايتا كەتكەن جٶن, قر پرەزيدەنت مۇراجايىنا بەرٸلگەن بەلبەۋلەردٸڭ ٸشٸندە IBF ۇيىمىنىڭ اتاعى دا بار.
ۆ.دەميانەنكونىڭ سٶزٸنە قاراعاندا, اتالعان بوكس فەدەراتسيياسى ٶز بەلبەۋٸن الىپ قويسا دا, گولوۆكين وسى تۇجىرىمنىڭ چەمپيونى بولىپ قالا بەرەدٸ. سەبەبٸ ەشكٸمنەن جەڭٸلگەن جوق. بەلبەۋدٸ دە ٶزٸندە قالدىرۋعا قۇقىعى بار.
«گەنناديي IBF چەمپيونى بولىپ قالا بەرەدٸ. مىسالى, «2015-2018 جىلدارى بولعان ەلەم چەمپيونى» دەپ جازادى. الداعى ۋاقىتتا وسى اتاقتى قايتارىپ السا, ەكٸ دٷركٸن چەمپيون اتانادى», - دەپ اتاپ كٶرسەتتٸ ۆ.دەميانەنكو.
ايتا كەتەيٸك, 15 قىركٷيەكتە گەنناديي گولوۆكين مەكسيكالىق ساۋل الۆارەسپەن كەزدەسەدٸ. ۋاقىت ايىرماشىلىعىنا بايلانىستى قازاقستاندا اتالعان جەكپە-جەك 16 قىركٷيەكتە كٶرسەتٸلەدٸ. سول كەزدە WBA Super, WBC مەن IBO بەلبەۋلەرٸ ساراپقا سالىنادى. ال قازان ايىندا دەنيەل دجەيكوبس پەن سەرگەي دەرەۆيانچەنكو IBF تيتۋلى ٷشٸن تالاسادى. الداعى ۋاقىتتا وسى ەكٸ جەكپە-جەكتٸڭ جەڭٸمپازدارى جۇدىرىقتاسۋى ەبدەن مٷمكٸن.
