فوتو: telegram/كريمينالنىي كازاحستان
تٷركٸستان وبلىسىندا جاڭا جىل تٷنٸ 18 جاستاعى ستۋدەنت قازا تاپتى, دەپ حابارلايدى Ult.kz كريمينالنىي كازاحستان تەلەگرام ارناسىنا سٸلتەمە جاساپ.
كەنتاۋ قالاسىنداعى قوعامدىق تاماقتانۋ ورنىندا بولعان جارىلىس پەن ودان كەيٸنگٸ ٶرت سالدارىنان اتالعان مەكەمەنٸڭ 18 جاستاعى قىزمەتكەرٸ كٶز جۇمدى. قايعىلى وقيعا 31 جەلتوقساننان 1 قاڭتارعا قاراعان تٷنٸ بولعان.
مارقۇمنىڭ جاقىندارىنىڭ ايتۋىنشا, مەكەمەدە گازدىڭ يٸسٸ شىعىپ تۇرعانى تۋرالى ەسكەرتۋلەرگە قاراماستان قىزدى جۇمىستان بوساتپاعان. ايتۋلارىندا قاۋٸپ بار ەكەنٸن بٸرنەشە ادام حابارلاعان. بەلگٸلٸ بولعانداي, ول بۇل جۇمىسقا نەبەرٸ بٸر اي بۇرىن ورنالاسقان. سارقۇم جوعارى وقۋ ورنىنىڭ ەكٸنشٸ كۋرس ستۋدەنتٸ بولعان.
جارىلىس سالدارىنان تاعى تٶرت ادام جاراقات الىپ, ولاردىڭ ەكەۋٸ جانساقتاۋ بٶلٸمٸندە جاتىر.
قازا تاپقان قىزدىڭ تۋىستارى كٸنەلٸلەردٸ قاتاڭ جازالاۋدى تالاپ ەتۋدە. وقيعا بويىنشا قىلمىستىق ٸس قوزعالدى.
