فوتو: © AFP 2023 / MOHAMMED ABED
گازا سەكتورىندا قازاقستاننىڭ 76 ازاماتى بار. بۇل تۋرالى سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸمدەدٸ, - دەپ حابارلايدى Sputnik قازاقستان.
"بٸزدٸڭ دەرەكتەرٸمٸز بويىنشا گازا سەكتورىندا قازاقستاننىڭ 76 ازاماتى بار, وتباسى مٷشەلەرٸمەن قوسا ساناعاندا 161 ادام. ەگيپەت تاراپىنان دا, يزرايل تاراپىنان دا شەتەلدٸكتەردٸڭ وتباسى مٷشەلەرٸمەن شىعۋىنا بەلگٸلٸ بٸر تالاپتار قويىلادى. وسىعان بايلانىستى بٸزدٸڭ ازاماتتارىمىز قازاقستانعا جاقىندارىن تاستاپ ۇشىپ شىعۋعا دايىن ەمەس", - دەدٸ سماديياروۆ اپتا سايىنعى بريفينگتە.
ايتۋىنشا, قازاقستان ٶز وتانداستارىن ەلگە جەتكٸزۋگە تولىعىمەن دايىن.
"ازاماتتارىمىز مىسىر شەكاراسىن كەسٸپ ٶتكەننەن كەيٸن ارنايى بورت كاير قالاسىنا ۇشىپ شىعادى", - دەدٸ سٸم ٶكٸلٸ.
سماديياروۆتىڭ ايتۋىنشا, 4 قاراشادان باستاپ رافاك پۋنكتٸ ارقىلى شەتەلدٸكتەر مەن جارالىلاردى ەۆاكۋاتسييالاۋ ۋاقىتشا توقتاتىلعان.
رافاك – ەگيپەت پەن گازا سەكتورى شەكاراسىنداعى باقىلاۋ-ٶتكٸزۋ پۋنكتٸ.
مىسىر جەنە يزرايل تالاپتارىنا سەيكەس ەر ەلگە رافاح پۋنكتٸ ارقىلى شەتەلدٸكتەرگە ٶتۋٸنە بەلگٸلٸ بٸر كٷن بەرٸلەدٸ. مۇندا قازٸرگٸ ٶتكٸزۋ قابٸلەتٸ تەۋلٸگٸنە 500-گە جۋىق ادام, سونداي-اق شامامەن 45 ەلدٸڭ ەلشٸلٸكتەرٸ ۇسىنعان تٸزٸمدەگٸ ادامداردىڭ جالپى سانى ەسكەرٸلەدٸ. بۇل - شامامەن 7 مىڭ ادام.
