سەيسەنبٸ كٷنٸ سينگاپۋردا اقش پرەزيدەنتٸ دونالد ترامپ پەن سولتٷستٸك كورەيانىڭ كٶشباسشىسى كيم چەن ىننىڭ تاريحي كەزدەسۋٸ ٶتتٸ, دەپ حابارلايدى قازاقپارات رەنحاپ اگەنتتٸگٸنە سٸلتەمە جاساپ.
سامميت جەرگٸلٸكتٸ ۋاقىت بويىنشا تاڭعى 9-دا سينگاپۋردەگٸ سەنتوس ارالىنداعى سapella قوناق ٷيٸندە باستالدى.
ەلەمدٸك جەنە كورەيلٸك ەلەۋمەتتٸك جەلٸلەردە تاريحي سەتتٸ بەينەلەيتٸن سۋرەتتەر مەن ۆيدەولار پايدا بولدى. KSNA سولتٷستٸكورەيالىق جاڭالىقتار اگەنتتٸگٸ تاڭەرتەڭنەن باستاپ پرەزيدەنتتەردٸڭ شاعىن جەنە كەڭەيتٸلگەن كەزدەسۋٸنٸڭ سۋرەتتەرٸ جەنە ۆيدەولارىمەن بٶلٸسۋدە.
رەنحاپ جازعانىنداي, شاعىن كەزدەسۋ الدىندا ترامپ بارلىعى سەتتٸ ٶتەتٸنٸنە جەنە الداعى ۋاقىتتا ەكٸ مەملەكەتتٸڭ ارا-قاتىناسى جاقسى بولاتىنىنا سەنٸمدٸلٸك بٸلدٸردٸ.
ترامپ پەن كيم كٶزبە-كٶز 45 مينۋت سٶيلەسٸپ, كەڭەيتٸلگەن قۇرامدا باس كٶمەكشٸلەرٸنٸڭ قاتىسۋىمەن ەكٸجاقتى كەلٸسسٶزدەردٸ باستاپ كەتتٸ. ترامپقا اقش-تىڭ مەملەكەتتٸك حاتشىسى مايك پومپەو, اق ٷيدٸڭ اپپارات باسشىسى دجون كەللي جەنە پرەزيدەنتتٸڭ ۇلتتىق قاۋٸپسٸزدٸك جٶنٸندەگٸ كەڭەسشٸسٸ دجون بولتون قوسىلدى. پحەنيان تاراپىنان سامميتتٸڭ الدىندا اقش-تا بولىپ قايتقان سولتٷستٸك كورەيا ەڭبەك پارتيياسى وك تٶراعاسىنىڭ ورىنباسارى كيم يون چحول, ەڭبەك پارتيياسى وك تٶراعاسىنىڭ ورىنباسارى لي سۋ يون, سونداي-اق, سولتٷستٸك كورەيا سٸم باسشىسى لي يون حو قاتىستى.
وڭتٷستٸككورەيالىق باسىلىمداردىڭ باستى تاقىرىپقا ارنالعان ماقالالارىندا «تاعدىرشەشتٸ كٷن», «عاسىر كەزدەسۋٸ», «بەيبٸتشٸلٸككە اپارار العاشقى قادام» سىندى سٶز تٸركەستەرٸ كٶپتەپ جازىلۋدا.
رەنحاپ اگەنتتٸگٸنٸڭ اقپاراتىنا سەيكەس, دونالد ترامپ كيم چەن ىنمەن كەزدەسۋ تاعى بٸر كٷنگە سوزىلاتىنىن جوققا شىعاردى. كٷتٸلگەندەي, بٷگٸن اقش پرەزيدەنتٸ سولتٷستٸككورەيالىق تاراپپەن ٶتكەن كەزدەسۋ جٶنٸندە باسپاسٶز كونفەرەنتسيياسىن بەرٸپ, جەرگٸلٸكتٸ ۋاقىت بويىنشا كەشكٸ ساعات 7-دە اقش-قا اتتانادى.
