بورتىندا ميللياردەر دجەفف بەزوس بولاتىن Blue Origin كومپانيياسىنىڭ New Shepard عارىش كەمەسٸمەن ۇشۋ بيلەتٸنٸڭ قۇنى اشىق اۋكتسيوندا 3,8 ميلليون دوللاردان استى, دەپ حابارلايدى "ۇلت اقپارات" كومپانييانىڭ سايتىنا سٸلتەمە جاساپ.
Amazon-نىڭ نەگٸزٸن قالاۋشىمەن بٸر كەمەدەگٸ ورىن ٷشٸن اۋكتسيونعا ەلەمنٸڭ 143 ەلٸنەن 6 مىڭ ٷمٸتكەر قاتىستى.
Blue Origin اەروعارىش كومپانيياسى 2020 جىلدىڭ 20 شٸلدەسٸندە بولاتىن New Shepard-تىڭ ەكيپاجبەن العاشقى سۋبوربيتالدى ساپارىنداعى ورىن ٷشٸن ٶتٸنٸشتەردٸ قابىلدايتىنىن حابارلادى. ٶتٸنٸشتەر قابىلداۋدىڭ تٸكەلەي ترانسلياتسيياسى كومپانييا سايتىندا جٷرگٸزٸلۋدە.
اۋكتسيونعا قاتىسۋ ٷشٸن ٶتٸنٸشتەردٸ قابىلداۋ 10 ماۋسىم كٷنٸ 17.00-دە (شىعىس-ەۋروپالىق ۋاقىت بويىنشا) جابىلادى.
اۋكتسيون جەڭٸمپازى بەزوس جەنە ونىڭ ٸنٸسٸ ماركپەن باتىس تەحاستاعى Blue Origin عارىش ايلاعىندا ٷش كٷندٸك دايىندىقتان ٶتكەننەن كەيٸن عارىشقا ۇشادى.
Blue Origin ۇيىمداستىرىپ وتىرعان بۇل ساپار New Shepard عارىش كەمەسٸنٸڭ بورتىندا ادامداردىڭ العاشقى ۇشۋى بولاتىنىن اتاپ ٶتۋ كەرەك.
New Shepard كەمەسٸ ٸشٸندە جولاۋشىلار بار كاپسۋلانى وربيتاعا شىعارادى. ول جەردە ادامدار سالماقسىزدىق كٷيٸندە 10 مينۋت بولادى, جەردەن 104 كيلومەتر بيٸكتٸكتەگٸ كٶرٸنٸستٸ تاماشالايدى. بٸر ساپاردىڭ ۇزاقتىعى 40 مينۋتقا سوزىلماق.
