Bortynda milliarder Djeff Bezos bolatyn Blue Origin kompaniiasynyń New Shepard ǵarysh kemesimen ushý biletiniń quny ashyq aýktsionda 3,8 million dollardan asty, dep habarlaidy "Ult aqparat" kompaniianyń saityna silteme jasap.
Amazon-nyń negizin qalaýshymen bir kemedegi oryn úshin aýktsionǵa álemniń 143 elinen 6 myń úmitker qatysty.
Blue Origin aeroǵarysh kompaniiasy 2020 jyldyń 20 shildesinde bolatyn New Shepard-tyń ekipajben alǵashqy sýborbitaldy saparyndaǵy oryn úshin ótinishterdi qabyldaitynyn habarlady. Ótinishter qabyldaýdyń tikelei transliatsiiasy kompaniia saitynda júrgizilýde.
Aýktsionǵa qatysý úshin ótinishterdi qabyldaý 10 maýsym kúni 17.00-de (shyǵys-eýropalyq ýaqyt boiynsha) jabylady.
Aýktsion jeńimpazy Bezos jáne onyń inisi Markpen Batys Tehastaǵy Blue Origin ǵarysh ailaǵynda úsh kúndik daiyndyqtan ótkennen keiin ǵaryshqa ushady.
Blue Origin uiymdastyryp otyrǵan bul sapar New Shepard ǵarysh kemesiniń bortynda adamdardyń alǵashqy ushýy bolatynyn atap ótý kerek.
New Shepard kemesi ishinde jolaýshylar bar kapsýlany orbitaǵa shyǵarady. Ol jerde adamdar salmaqsyzdyq kúiinde 10 minýt bolady, Jerden 104 kilometr biiktiktegi kórinisti tamashalaidy. Bir sapardyń uzaqtyǵy 40 minýtqa sozylmaq.
