ماڭعىستاۋ وبلىسىنداعى قۋاڭشىلىق سالدارىنان 1 163 مال باسى قىرىلعان. بۇل تۋرالى ماڭعىستاۋ وبلىسى ەكٸمٸنٸڭ ورىنباسارى عالىمجان نييازوۆ ايتتى, دەپ حابارلايدى قازاقپارات.
«ستاتيستيكالىق مەلٸمەتكە سەيكەس, وسى جىلدىڭ 1 تامىزداعى جاعداي بويىنشا وبلىستا 629 336 مال باسى بار. ال اۋىل شارۋاشىلىعىن بٸرٸزدەندٸرۋ بازاسىندا تٸركەلگەن مال باسى - 639 493. 77 مىڭ توننا مال ازىعىن دايىنداۋ جوسپاردا بولدى. ماڭعىستاۋ, بەينەۋ, قاراقييا, تٷپقاراعان, مۇنايلى اۋداندارىنا 41 470 توننا شٶپ ەكەلٸندٸ. قىس ايلارىنا 35 530 توننا شٶپ ەكەلۋدٸ جوسپارلاپ وتىرمىز. 25 530 توننا كٶپ ٶزگە وبلىستاردان تاسىمالدانادى. ال وبلىسىمىزدىڭ اۋماعىندا 10 مىڭ توننا شٶپ شابىلادى. جىل ورتاسىندا مال ازىعىنا ساتىپ الۋعا 204 ملن تەڭگە بٶلٸندٸ. ونىڭ ٸشٸندە 150 ملن تەڭگەسٸ باسقا وبلىستاردان شٶپ تاسىمالداۋعا جۇمسالدى. شٶپ 1 كەلٸسٸ 55 تەڭگەدەن ساتىلدى. مۇنان بٶلەك جەمگە 54 ملن تەڭگە جۇمسالدى. ەندٸ الداعى قىس ايلارىنا ٷكٸمەت قولداۋىمەن مال ازىعىن الۋعا 5,3 ملرد تەڭگە جوسپارلانىپ وتىر. قازٸرگٸ ۋاقىتتا ونىڭ 1,4 ملرد تەڭگەسٸ بٶلٸندٸ. جەم ساتىپ الۋعا بٶلٸنگەن قاراجاتتىڭ سوماسى – 1 ملرد تەڭگە. قارجى اۋداندارعا مال باسى سانىنا قاراي بٶلٸنەدٸ», - دەدٸ وبلىس ەكٸمٸنٸڭ ورىنباسارى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, قازٸرگٸ ۋاقىتتا اقمولا, قوستاناي, سولتٷستٸك قازاقستان وبلىستارىنان مال ازىعىن جەتكٸزۋ باعىتىندا جۇمىس جٷرگٸزٸلٸپ جاتىر.
بۇل رەتتە «قازاقستان تەمٸر جولى» كومپانيياسى جەم-شٶپ تاسىمالداۋ قىزمەتٸ ٷشٸن ماڭعىستاۋ وبلىسىنا 75 پايىزدىق جەڭٸلدٸك بەرٸپ وتىر.
«وبلىسىمىزدا بٸرەۋلەر 5 مىڭ مال باسى قىرىلدى دەپ جٷر. سەۋٸردە ەر اۋىلدىڭ جانىنان بيوتەرمييالىق شۇڭقىر قازىپ, 1 163 ٶلگەن مالدى كٶمدٸك. 1 163 مالدىڭ تەك 194-ٸ عانا تٸركەلگەن. قالعان مالدىڭ يەسٸ جوق, يەسٸ كٸم ەكەندٸگٸ بەلگٸسٸز. مال ٶلٸمٸنە قاتىستى 7 ازاماتتان عانا ارىز تٷستٸ», - دەدٸ عالىمجان نييازوۆ.
