لوندون ۋنيۆەرسيتەتتٸك كوللەدجٸنٸڭ عالىمدارى ادام ٶمٸرٸنٸڭ ۇزاقتىعىنا ىقپال ەتەتٸن ەلەۋمەتتٸك فاكتورلاردى انىقتادى. زەرتتەۋشٸلەردٸڭ بۇل جايلى جازعان عىلىمي ماقالاسى «اقش ۇلتتىق عىلىم اكادەميياسىنىڭ ەڭبەكتەرٸ» جۋرنالىندا جارييالاندى, دەپ حابارلايدى "ۇلت اقپارات".
عالىمدار ۇزاق جىلدار بويى 50 جاستان اسقان ەرلەر مەن ەيەلدەردٸڭ, جالپى 7304 ادامنىڭ ٶمٸرٸن زەرتتەدٸ. زەرتتەۋشٸلەر دوستارىمەن, تۋىستارىمەن جاقسى قارىم-قاتىناستا بولىپ, ولارمەن كٶبٸرەك ۇنامدى ەڭگٸمە-دٷكەن قۇراتىن ەگدە جاستاعى ادامداردىڭ دەنساۋلىعى ايتارلىقتاي جاقسى بولاتىنىن انىقتادى.
ٶزٸن جاقسى سەزٸنەتٸن جانداردىڭ 73 پايىزى كەم دەگەندە اپتاسىنا بٸر رەت دوستارىمەن, جاقىندارىمەن كەزدەسٸپ, سپورتزالدارعا, مۋزەيلەرگە, تەاترلارعا, دٸني مەكەمەلەرگە باراتىنى, قوعامدىق ۇيىمداردىڭ قىزمەتٸنە اتسالىساتىنى انىقتالدى.
زەرتتەۋشٸلەردٸڭ پٸكٸرٸنشە, بەلسەندٸ ٶمٸر سالتىن ۇستاناتىن ەگدە جاستاعى ادامدار ٶزدەرٸنٸڭ ٶزگەلەر ٷشٸن, قوعام ٷشٸن ماڭىزدى ەكەنٸن سەزٸنەدٸ. سوندىقتان دا ولاردىڭ دەنساۋلىعى ناشارلاماي, كەرٸلٸكتەن كٶپ زارداپ شەكپەيدٸ, ال ٸستەگەنٸنٸڭ بەرٸ ولارعا قۋانىش سىيلايدى.
