London Ýniversitettik kolledjiniń ǵalymdary adam ómiriniń uzaqtyǵyna yqpal etetin áleýmettik faktorlardy anyqtady. Zertteýshilerdiń bul jaily jazǵan ǵylymi maqalasy «AQSh Ulttyq ǵylym akademiiasynyń eńbekteri» jýrnalynda jariialandy, dep habarlaidy "Ult aqparat".
Ǵalymdar uzaq jyldar boiy 50 jastan asqan erler men áielderdiń, jalpy 7304 adamnyń ómirin zerttedi. Zertteýshiler dostarymen, týystarymen jaqsy qarym-qatynasta bolyp, olarmen kóbirek unamdy áńgime-dúken quratyn egde jastaǵy adamdardyń densaýlyǵy aitarlyqtai jaqsy bolatynyn anyqtady.
Ózin jaqsy sezinetin jandardyń 73 paiyzy kem degende aptasyna bir ret dostarymen, jaqyndarymen kezdesip, sportzaldarǵa, mýzeilerge, teatrlarǵa, dini mekemelerge baratyny, qoǵamdyq uiymdardyń qyzmetine atsalysatyny anyqtaldy.
Zertteýshilerdiń pikirinshe, belsendi ómir saltyn ustanatyn egde jastaǵy adamdar ózderiniń ózgeler úshin, qoǵam úshin mańyzdy ekenin sezinedi. Sondyqtan da olardyń densaýlyǵy nasharlamai, kárilikten kóp zardap shekpeidi, al istegeniniń bári olarǵa qýanysh syilaidy.
