كوروناۆيرۋسقا قارسى ۆاكتسينا اقش-تا بٸرنەشە اي بويى سىناقتان ٶتكٸزٸلەدٸ. ال جاپپاي پايدالانۋعا تەك 1-1,5 جىلدان كەيٸن عانا دايىن بولۋى مٷمكٸن, دەپ مەلٸم ەتتٸ اقش-تىڭ ۇلتتىق دەنساۋلىق ينستيتۋتىنىڭ ديرەكتورى ەنتوني فاۋچي.
ونىڭ ايتۋىنشا, ۆاكتسينانى تەستٸلەۋدٸڭ بٸرٸنشٸ كەزەڭٸ شامامەن ٷش ايعا سوزىلادى. بۇل كەزەڭدە ۆاكتسينا 45 ادامعا, ال كەلەسٸ كەزەڭدە جٷزدەگەن, تٸپتٸ مىڭداعان ادامعا سىنالادى.
"تٸپتٸ, مەيلٸنشە جەدەل جاساعان كٷننٸڭ ٶزٸندە ول 6-8 ايعا سوزىلادى. سوندىقتان ۆاكتسينانى جاپپاي پايدالانۋ ٷشٸن بٸر-بٸر جارىم جىلداي ۋاقىت كەرەك", - دەيدٸ فاۋچي.
قازٸرگٸ ۋاقىتتا قىتايدا كوروناۆيرۋس جۇقتىرعاندار سانى 78 مىڭنان اسىپ, ونىڭ 29 مىڭنان استامى ەمدەلٸپ شىققان, دەپ حابارلادى قىتاي مەملەكەتتٸك دەنساۋلىق ساقتاۋ كوميتەتٸنٸڭ مەلٸمەتٸنە سٷيەنگەن ريا نوۆوستي.
ال بۇل دەرتتەن كٶز جۇمعانداردىڭ سانى 2 715-كە جەتتٸ.
سوڭعى تەۋلٸكتە قىتايدىڭ بٸر عانا حۋبەي پروۆينتسيياسىندا 401 ۆيرۋس جۇقتىرۋ وقيعاسى تٸركەلٸپ, 52 ادام قايتىس بولعان.
وڭتٷستٸك كورەيادا كوروناۆيرۋس جۇقتىرعاندار سانى 1 146 ادامعا جەتٸپ, 11-ٸ كٶز جۇمعان.
ايتا كەتسەك, 2019 جىلدىڭ 31 جەلتوقسانىندا قىتاي بيلٸگٸ دٷنيەجٷزٸلٸك دەنساۋلىق ساقتاۋ ۇيىمىنا ەلدٸڭ ورتالىق بٶلٸگٸندەگٸ ۋحان قالاسىندا (حۋبەي پروۆينتسيياسى) بەلگٸسٸز پنەۆمونييانىڭ ٶرشٸپ جاتقانىن حابارلادى. ماماندار اۋرۋدىڭ قوزدىرعىشىن انىقتاي كەلە, بۇل جاڭا كوروناۆيرۋس ەكەنٸن مەلٸمدەدٸ. ددۇ ٸندەتتٸ حالىقارالىق ماڭىزى بار تٶتەنشە جاعداي دەپ جارييالاپ, اۋرۋدى رەسمي تٷردە COVID-19 اتادى.
