گايتيدەگٸ قۇتقارۋ جۇمىستارى. 15 تامىز 2021 جىل.
گايتيدە ٶتكەن اپتادا جەر سٸلكٸنٸپ, قازا تاپقاندار سانى 2 مىڭعا جۋىقتادى. سٸلكٸنٸستەن سوڭ تروپيكالىق داۋىل سوعىپ, اپات سالدارىمەن كٷرەس كەيٸنگە شەگەرٸلدٸ دە, جاعداي ودان ەرٸ ۋشىقتى, دەپ جازادى ازاتتىق راديوسى.
17 تامىز كٷنٸ ەل بيلٸگٸ تاعى 500-دەن استام ادامنىڭ مەرت بولعانى راستالدى دەدٸ. وسىلايشا تابيعي اپات قۇرباندارىنىڭ سانى 1941-گە جەتٸپ وتىر. بۇدان بٶلەك 9,9 مىڭ ادام جاراقات العان.
قوس اپات گايتي ساياسي داعدارىسقا ۇشىراعان ۋاقىتتا كەلدٸ. 7 شٸلدە كٷنٸ ەل پرەزيدەنتٸ جوۆەنەل مويزدٸ قاستاندىقپەن ٶلتٸرٸپ كەتتٸ. مۇنىمەن قاتار كاريب ەلٸ كوروناۆيرۋس ٸندەتٸنەن دە زارداپ شەگٸپ جاتىر.
ەل 2010 جىلعى جەر سٸلكٸنٸستەن كەيٸن ەلٸ تولىق قالپىنا كەلە الماعان ەدٸ. 7 بالدىق سول اپات 250 مىڭنان استامنىڭ ٶمٸرٸن قيعان.
