گااگاداعى حالىقارالىق قىلمىستىق سوت رەسەي پرەزيدەنتٸ ۆلاديمير پۋتيندٸ تۇتقىنداۋعا وردەر بەردٸ. بۇل حابار سوتتىڭ رەسمي سايتىندا جارىق كٶردٸ. پۋتينمەن قوسا, رەسەيدٸڭ بالا قۇقىقتارى جٶنٸندەگٸ ۋەكٸلەتتٸ ٶكٸلٸ مارييا لۆوۆا-بەلوۆانى دا تۇتقىنداۋعا پەرمەن بەرٸلگەن, دەپ حابارلايدى ازاتتىق.
حالىقارالىق قىلمىستىق سوت ەكەۋٸن دە ۋكراينانىڭ وككۋپاتسييالانعان ايماعىنان حالىقتى, سونىڭ ٸشٸندە بالالاردى كٷشتەپ كٶشٸرٸپ, ەسكەري قىلمىس جاسادى دەپ ايىپتاعان. حالىقارالىق قۇقىقتا بۇل "گەنوتسيد" دەپ تانىلۋى مٷمكٸن.
رەسەي بۇل سوتتىڭ يۋريسديكتسيياسىن مويىندامايدى. مەسكەۋ 2016 جىلدان بەرٸ سوتتىڭ ەرەكەتٸن انىقتايتىن ريم ستاتۋتىنا قاتىسپايدى. ال سوت "ەسكەري قىلمىس جاسادى" دەپ ايىپتالىپ جاتقان مەملەكەت باسشىلارىنىڭ يممۋنيتەتٸن مويىندامايدى.
"رەسەي - حالىقارالىق قىلمىستىق سوتتىڭ ريم ستاتۋتىنىڭ مٷشەسٸ ەمەس, ول بويىنشا مٸندەتتەمەلەرٸ جوق. رەسەي - بۇل ورگانمەن ەرٸپتەس ەمەس, ال حالىقارالىق قىلمىستىق سوت بەردٸ دەگەن تۇتقىنداۋ تۋرالى ەلدەبٸر "رەتسەپتتٸڭ" بٸز ٷشٸن قۇقىقتىق سالماعى جوق" - دەدٸ رەسەي سىرتقى ٸستەر مينيسترٸنٸڭ رەسمي ٶكٸلٸ مارييا زاحاروۆا.
لۆوۆا-بەلوۆانىڭ ٶزٸ رەسەي "بالالاردى مايدان الاڭىندا قالدىرماي, قامقور بولىپ", "ولارعا جاقسى جاعداي جاساپ جاتقانىن" ايتتى. "بارلىق ەلدٸڭ سانكتسيياسى بولدى, تٸپتٸ جاپونييا دا ماعان سانكتسييا سالدى, ەندٸ تۇتقىنداۋعا وردەر بەرٸپتٸ, ەرٸ قاراي نە بەرەدٸ ەكەن, كٶرەيٸك" - دەدٸ ول رەسەيدٸڭ ربك سايتىنا.
ۋكراينانىڭ باس پروكۋرورى اندرەي كوستين مۇنى ۋكراينا مەن جالپى حالىقارالىق قۇقىق جٷيەسٸ ٷشٸن تاريحي شەشٸم دەپ اتادى. ونىڭ ايتۋىنشا, كيەۆ گااگاداعى سوتقا بالالاردى رەسەيگە كٷشتەپ كٶشٸرۋ ٸسٸ بويىنشا 40 توم ماتەريال تاپسىرعان.
بۇدان بٸر كٷن بۇرىن عانا بٸرٸككەن ۇلتتار ۇيىمىنا قاراستى تەرگەۋ توبى رەسەيدٸ "ۋكراينادا كەڭ اۋقىمدا ەسكەري قىلمىس جاسادى, سونىڭ ٸشٸندە قاساقانا ادام ٶلتٸرٸپ, ازاپتادى, كەي كەزدەرٸ جاقىندارىن بالالارىنىڭ كٶزٸنشە زورلاپ, مەيٸتتەرٸنٸڭ قاسىنا قامادى" دەپ ايىپتاعان.
كيەۆ پەن حالىقارالىق قۇقىق قورعاۋ ۇيىمدارى مەسكەۋدٸ سوعىس ايماعىنداعى بالالار ٷيلەرٸندەگٸ ۋكراين بالالارىن اتا-اناسى, تۋىستارى بار بولسا دا, رەسەيگە كٷشتەپ ەكەتٸپ, باسقا وتباسىلارعا بەرٸپ جاتىر دەپ ايىپتاپ كەلەدٸ.
مامىر ايىندا رەسەي مۇنداي بالالارعا ازاماتتىق بەرۋ ٷشٸن زاڭدارىن ٶزگەرتكەن. مەسكەۋ "بۇل بالالاردى سوعىستان قورعاپ جاتىرمىز" دەيدٸ. Human Rights Watch حالىقارالىق قۇقىق قورعاۋ ۇيىمى سوعىس كەزٸندە بالالاردى اسىراپ الۋ حالىقارالىق قۇقىق نورمالارىنا قايشى ەكەنٸن مەلٸمدەگەن.
حالىقارالىق قۇقىقتا ٸس باسىنداعى مەملەكەت باسشىسىن تۇتقىنداۋ پروتسەدۋراسى رەتتەلمەگەن. بۇدان بۇرىن حالىقارالىق قىلمىستىق سوت 2008 جىلى سۋدان پرەزيدەنتٸ ومار ەل-باشيردٸ تۇتقىنداۋعا وردەر بەرگەن. بيلٸكتەن قۇلاعان سوڭ ونى ٶز ەلٸنٸڭ قۇقىق قورعاۋ ورگاندارى تۇتقىنداعان, بٸراق حالىقارالىق قىلمىستىق سوتقا ەلٸ تاپسىرمادى.
