بٷگٸن فۋتزالدان ەلەم چەمپيوناتىنىڭ فينالدىق ساتىسى توپتىق كەزەڭٸندەگٸ ەكٸنشٸ ويىنىندا قازاقستان قۇراماسى ليتۆامەن كەزدەستٸ, دەپ حابارلايدى قازاقپارات.
بٷگٸنگٸ كەزدەسۋدٸڭ ەكٸ قۇراما ٷشٸن دە ماڭىزى زور بولاتىن. جەڭٸسكە جەتكەن جاعدايدا تۋرنير كەستەسٸندەگٸ جاعدايىن جاقسارتىپ الاتىن ەدٸ.
كەزدەسۋ قازاقستاندىق فۋتزالشىلار ٷشٸن سەتتٸ باستالدى. ويىننىڭ نەبەرٸ 24 سەكۋندىندا تاينان ەسەپ اشىپ كەتتٸ. بۇدان كەيٸن قازاقستاندىق قۇراما بٸرنەشە قاۋٸپتٸ شابۋىل ۇيىمداستىردى. دەسە دە ليتۆالىق ويىنشىلار وعان لايىقتى تويتارىس بەرە بٸلدٸ.
ەكٸنشٸ كەزەڭدە دە قازاقستاندىق فۋتزالشىلار باسىمدىعىن ارتتىرا تٷستٸ. نەتيجەسٸندە 30-مينۋتتا دەۋرەن تۇرساعۇلوۆ مەرگەندٸك تانىتسا, 35-مينۋتتا البەرت اقبالىقوۆ ەسەپتٸ ٷستەمەلەدٸ.
قازاقستان قۇراماسى وسىلايشا قارسىلاسىن 3:0 ەسەبٸمەن جەڭدٸ. تۋرنير كەستەسٸندە التى ۇپايمەن كٶش باسىنا شىقتى.
قازاقستاندىق فۋتزالشىلار ا توبىندا سىنعا تٷسەدٸ. قارسىلاستارى - ليتۆا, ۆەنەسۋەلا, كوستا-ريكا.
العاشقى كەزدەسۋٸندە قازاقستاندىق فۋتزالشىلار كوستا-ريكادان 6:1 ەسەبٸمەن باسىم تٷستٸ.
قازاقستاندىقتار ەندٸ ٷشٸنشٸ تۋردا 18 قىركٷيەكتە ۆەنەسۋەلامەن شەبەرلٸك بايقاسادى. اتالعان قۇراما بٷگٸن كوستا-ريكانى 1:0 ەسەبٸمەن تٸزە بٷكتٸردٸ.
ەلەم چەمپيوناتىنىڭ فينالى 3 قازانعا بەلگٸلەنگەن.
قازاقستان قۇراماسى بۇدان بۇرىن ەلەم چەمپيوناتى فينالدىق ساتىسىندا ەكٸ مەرتە باق سىنادى. 2000 جىلى بٸرٸنشٸ كەزەڭنەن اسا الماسا, 2016 جىلى 1/8 فينالعا دەيٸن جەتتٸ.
