فۋتبولدان قازاقستان قۇراماسى قىرعىزستاننان 0-2 ەسەبٸمەن جەڭٸلدٸ, - دەپ حابارلايدى Vesti.kz تٸلشٸسٸ.
بٸشكەكتە ٶتكەن كەزدەسۋدە بٸرٸنشٸ گولدى الاڭ يەلەرٸ 43-شٸ مينۋتتا سوقتى. قىرعىز كومانداسىنىڭ كاپيتانى ۆالەريي كيچين كٶزگە تٷستٸ. بٸرٸنشٸ تايم وسى ەسەپپەن اياقتالعان. ال ەكٸنشٸ تايمدا قىرعىزستان فۋتبولشىلارى تاعى بٸر گول سالا بٸلدٸ. 82-شٸ مينۋتتا ميرلان مۋرزاەۆ كٶزگە تٷستٸ.
بۇل باس باپكەر تالعات بايسۋفينوۆتىڭ باسشىلىعىنداعى قازاقستان قۇراماسىنىڭ بٸرٸنشٸ جەڭٸلٸسٸ بولدى. سونىمەن قاتار, قىرعىزستانمەن ٶتكەن كەزدەسۋلەردە تۇڭعىش رەت جەڭٸلٸپ وتىر. وسىعان دەيٸن بەس رەت جەڭٸپ, ەكٸ رەت تەڭ ويناعان بولاتىن.
قازاقستان قۇراماسى كەلەسٸ ويىنىن 4 قىركٷيەكتە استانادا ٶتكٸزەدٸ. ەندٸگٸ قارسىلاس - پولشا.
