بٷگٸن فۋتبولدان پرەمەر-ليگا كوماندالارى اراسىنداعى قازاقستان بٸرٸنشٸلٸگٸنٸڭ ەكٸنشٸ تۋرىندا ەلوردالىق «استانا» ٶز الاڭىندا اقتاۋدىڭ «كاسپيي» كلۋبىن قابىلدادى, دەپ حابارلايدى "ۇلت اقپارات".
ٶتكەن تۋردا «استانا» تٷركٸستاندا «تۇرانمەن» 2:2, «كاسپيي» ٶز الاڭىندا «اقتٶبەمەن» 1:1 ەسەبٸمەن تەڭ تٷسكەن بولاتىن.
بٷگٸنگٸ كەزدەسۋدە ەلوردالىق كلۋب جەڭٸسكە جەتۋگە بار كٷشٸن سالدى. ويىن باسىنان قارسىلاس كوماندا قاقپاسى ماڭىندا جيٸ بوي كٶرسەتتٸ. نەتيجەسٸندە 17-مينۋتتا ماكس ەبونگ مەرگەندٸگٸمەن كٶزگە تٷستٸ. ال 46-مينۋتتا مارين توماسوۆ پەنالتيدەن مٷلت كەتكەن جوق.
كەزدەسۋدە «استانا» قارسىلاسىن 2:0 ەسەبٸمەن تٸزە بٷكتٸردٸ. اتالعان جەڭٸسٸنەن كەيٸن ەلوردالىق كلۋب تۋرنير كەستەسٸندە ەكٸنشٸ ورىنعا كٶتەرٸلدٸ.
سونداي-اق, بٷگٸن ەكٸنشٸ تۋردا تاعى ەكٸ ويىن ٶتتٸ. ٶز الاڭىندا «تاراز» پەتروپاۆلدىڭ «قىزىلجارىمەن» 0:0 ەسەبٸمەن تەڭ تٷسسە, قىزىلوردانىڭ «قايسارى» الماتىنىڭ «قايراتىنا» 0:3 ەسەبٸمەن جەڭٸلٸپ قالدى.
ەندٸ 20 ناۋرىزدا 14.00-دە «جەتٸسۋ» (تالدىقورعان) مەن «تۇران» (تٷركٸستان), 16.00-دە «اقجايىق» (ورال) مەن «اتىراۋ», «شاحتەر» (قاراعاندى) مەن «ورداباسى» (شىمكەنت), 19.00-دە «اقتٶبە» مەن «توبىل» (قوستاناي) كوماندالارى كەزدەسەدٸ.
