بەلارۋس مامانى الەكساندر سەدنەۆ «اقتٶبە» فۋتبول كلۋبىنىڭ باس باپكەرٸ بولىپ تاعايىندالدى, دەپ حابارلايدى "ۇلت اقپارات".
«اقتٶبە» فۋتبول كلۋبىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, ا.سەدنەۆ اقتٶبەلٸك جانكٷيەرلەرگە بۇرىننان تانىس. ول ٶتكەن ماۋسىمدا باپكەرلەر قۇرامىندا جۇمىس جاساعان.
ا.سەدنەۆ قازاقستانعا كەلگەنگە دەيٸن «ساۆيت» (موگيلەۆ), «دينامو» (مينسك), «بەلشينا» (بوبرۋيسك) جەنە «دنەپر»(موگيلەۆ) كلۋبتارىنىڭ تٸزگٸنٸن ۇستاعان.
اقتٶبەلٸكتەر جاڭا ماۋسىم الدىنداعى تٷركيياداعى بٸرٸنشٸ وقۋ-جاتتىعۋ جيىنىن 11-25 قاڭتار ارالىعىندا ٶتكٸزەدٸ. وسى كەزەڭدە «Sepsi» (رۋمىنييا), «Septemvri» (بولگارييا), «Siofok»(ۆەنگرييا) كلۋبتارىمەن كەزدەسۋ جوسپارلانعان.
جيىنعا يگور تروفيمەتس, جاسۋر نارزيكۋلوۆ, مۇحامبەت تاماباي, راميل نۇرمۇحامەتوۆ, باعدات قايىروۆ, سايات جۇماعالي, ابات ايىمبەتوۆ, ارداق سەۋلەت, انتون شۋرىگين, رۋستام تەمٸرحان, رۋستام ٶكسٸمباەۆ, نۇربولات باتىرحانوۆ, ەبٸلحان ابدۋكاريموۆ, ەسەن جاسانوۆ, ەلٸشەر ەجٸموۆ, انتون سكۆورتسوۆ, سىرىم ەدٸلجانوۆ, تاۋىپبەك ورنالين, اسلانبەك كەكٸموۆ, جامبىل كٶكەەۆ بارادى. ولارعا تٷركييادا لەگيونەرلەر قوسىلادى.
ايتا كەتەيٸك, 2018 جىلعى ەل چەمپيوناتىندا جەتٸنشٸ ورىنعا يە بولعان «اقتٶبەنٸ» بۇعان دەيٸن رەسەيلٸك مامان ۆلاديمير مۋحانوۆ جاتتىقتىرىپ كەلگەن بولاتىن.
