Belarýs mamany Aleksandr Sednev «Aqtóbe» fýtbol klýbynyń bas bapkeri bolyp taǵaiyndaldy, dep habarlaidy "Ult aqparat".
«Aqtóbe» fýtbol klýbynyń baspasóz qyzmetinen túsken málimetke qaraǵanda, A.Sednev aqtóbelik jankúierlerge burynnan tanys. Ol ótken maýsymda bapkerler quramynda jumys jasaǵan.
A.Sednev Qazaqstanǵa kelgenge deiin «Savit» (Mogilev), «Dinamo» (Minsk), «Belshina» (Bobrýisk) jáne «Dnepr»(Mogilev) klýbtarynyń tizginin ustaǵan.
Aqtóbelikter jańa maýsym aldyndaǵy Túrkiiadaǵy birinshi oqý-jattyǵý jiynyn 11-25 qańtar aralyǵynda ótkizedi. Osy kezeńde «Sepsi» (Rýmyniia), «Septemvri» (Bolgariia), «Siofok»(Vengriia) klýbtarymen kezdesý josparlanǵan.
Jiynǵa Igor Trofimets, Jasýr Narzikýlov, Muhambet Tamabai, Ramil Nurmuhametov, Baǵdat Qaiyrov, Saiat Jumaǵali, Abat Aiymbetov, Ardaq Sáýlet, Anton Shýrygin, Rýstam Temirhan, Rýstam Óksimbaev, Nurbolat Batyrhanov, Ábilhan Abdýkarimov, Esen Jasanov, Álisher Ájimov, Anton Skvortsov, Syrym Ádiljanov, Taýypbek Ornalin, Aslanbek Kákimov, Jambyl Kókeev barady. Olarǵa Túrkiiada legionerler qosylady.
Aita keteiik, 2018 jylǵy el chempionatynda jetinshi orynǵa ie bolǵan «Aqtóbeni» buǵan deiin reseilik maman Vladimir Mýhanov jattyqtyryp kelgen bolatyn.
