رەسەي پوليتسيياسى جەمقورلىقپەن كٷرەس قورىنىڭ زاڭگەرٸ ليۋبوۆ سوبولدٸڭ پەتەرٸن تٸنتٸپ, ٶزٸن تەرگەۋگە الىپ كەتتٸ. بۇل اقپاراتتى 25 جەلتوقساندا الەكسەي ناۆالنىيدىڭ جەمقورلىقپەن كٷرەس قورى حابارلادى.
"ليۋبوۆ سوبولدٸ جاۋاپ الۋ ٷشٸن تەرگەۋ كوميتەتٸنە الىپ كەتتٸ. پەتەرٸنە تٸنتۋ جٷرگٸزٸلدٸ" دەپ جازدى قور Twitter-دەگٸ پاراقشاسىندا.
ناۆالنىي جاقتاستارى ونى 44 جاستاعى كرەمل سىنشىسىن ۋلاۋ ٸسٸنە قاتىسى بار دەلٸنگەن فسب ٶكٸلٸمەن كەزدەسۋگە تىرىسقانى ٷشٸن قۋدالۋى مٷمكٸن دەيدٸ.
21 جەلتوقساندا - "ناۆالنىيدىڭ فسب قىزمەتكەرٸ كۋدرياۆتسەۆپەن اۋديو-ەڭگٸمەسٸ" جارييالانعان كٷنٸ كەشكە سوبول مەن تاعى بٸرنەشە بەلسەندٸ (اراسىندا جۋرناليستەر دە بار) كونستانتين كۋدرياۆتسەۆپەن كەزدەسۋگە تىرىسقان. سول كٷنٸ پوليتسييا سوبولدى ۇستاپ ەكەتٸپ, سەلدەن كەيٸن بوساتقان.
ەۋروپاداعى تەۋەلسٸز ٷش زەرتحانا ناۆالنىيدىڭ جٷيكەنٸ سال ەتٸپ تاستايتىن "نوۆيچوك" ۋىمەن ۋلانعانىن انىقتاعان. حيمييالىق قارۋعا تىيىم سالۋ جٶنٸندەگٸ حالىقارالىق ۇيىم تۇجىرىمدى راستاعان.
باتىس ەلدەرٸ رەسەيدٸ ناۆالنىيدىڭ ۋلانۋىن جان-جاقتى زەرتتەۋگە شاقىرعان. رەسەي بيلٸگٸ "ساياساتكەرگە ۋ بەرۋ" ٸسٸ بويىنشا قىلمىستىق ٸس قوزعاۋدان باس تارتقان. وقيعاعا ارنايى قىزمەتتٸڭ قاتىسى بار دەگەن تۇجىرىمدى دا تەرٸستەگەن.
