فرانتسييا پارلامەنتٸنٸڭ سەناتى ٷكٸمەتتٸڭ فرانتسييانى 11 مامىردان باستاپ كارانتيننەن شىعارۋعا باعىتتالعان جوسپارىنا كەلٸسپەدٸ.
سەناتتىڭ 89 مٷشەسٸ قارسى داۋىس بەرٸپ, 81-ٸ قولدادى, 174-ٸ قالىس قالدى. قارسى بولعاندار – سوتسياليستەر مەن كوممۋنيستەر, قالىس قالعانداردىڭ كٶپشٸلٸگٸ رەسپۋبليكاشىلدار. "العا, رەسپۋبليكا" بيلٸك پارتيياسى پرەمەر - مينيستردٸڭ ۇسىنىسىن بٸراۋىزدان قولداعان.
ٶتكەن اپتادا پارلامەنتتٸڭ تٶمەنگٸ پالاتاسى - ۇلتتىق اسسامبلەيا ٷكٸمەت باسشىسىنىڭ جوسپارىن قۇپتاعان.
مامىردىڭ تٶرتٸنە ٷكٸمەت فرانتسييانى كارانتيننەن شىعارۋ جوباسىن سەناتقا ۇسىنىپ, كارانتين رەجيمٸن ەرٸ قاراي ساقتاۋ مٷمكٸن ەمەستٸگٸن مەلٸمدەگەن ەدٸ. پرەمەر-مينيستردٸڭ سٶزٸنشە, تۋريزم, ٶنەر, گاسترونومييا سالاسىنىڭ جۇمىسى توقتاپ قالعان. كارانتين جالعاسا بەرسە, ەكونوميكانىڭ دامۋى تەجەلٸپ, فرانتسييانىڭ اۋىل شارۋاشىلىعى مەن ينۆەستيتسييالىق تارتىمىنا نۇقسان كەلتٸرەدٸ.
ٷكٸمەت جوسپارىنا قاراعاندا, ەگەر كارانتيندٸ توقتاتقاننان كەيٸن العاشقى اپتادا سانيتارييا جاعدايى ناشارلاماسا 29 مامىردان باستاپ دٸني قۇلشىلىق رەسٸمٸنە دە رۇقسات بەرۋگە بولادى.
سەناتتىڭ ٷكٸمەت جوسپارىن قولداماعانى Covid-19 ٸندەتٸ جايلى رەسمي مەلٸمەتتەر جارييالاناتىن ۋاقىتپەن تۇسپا-تۇس كەلگەن. بۇل مەلٸمەتتەرگە قاراعاندا, سوڭعى تەۋلٸكتە ٸندەت سالدارىنان ٶلگەندەر بۇرىنعىدان 306 ادامعا كٶبەيگەن, ال كوروناۆيرۋستان ٶلگەندەردٸڭ جالپى جيىنتىعى 25 مىڭنان اسقان. كوروناۆيرۋس جۇقتىرعاندار فرانتسييادا 170 مىڭ ادامعا جەتكەن.
