فرانتسييا سەناتى جەكسەنبٸ كٷنٸ كوروناۆيرۋسپەن كٷرەس تۋرالى زاڭ جوباسىن ماقۇلدادى. كەيٸنگٸ بٸرنەشە كٷندە ەلدە وسى قۇجاتقا بايلانىستى جاپپاي نارازىلىق تۇتانعان, دەپ حابارلايدى ازاتتىق.
قۇجات مەديتسينا قىزمەتكەرلەرٸن ۆاكتسينا سالدىرۋعا مٸندەتتەيدٸ, سونىمەن بٸرگە سانيتارلىق رۇقسات قاعازىنىڭ "ٶكٸلەتٸن" كەڭەيتەدٸ. سەناتتى باقىلايتىن وپپوزيتسييا ٶكٸلدەرٸ زاڭ جوباسىنا ەرەجەلەردٸ بٸرشاما جۇمسارتاتىن تٷزەتۋلەر ەنگٸزدٸ. اتاپ ايتقاندا, سانيتارلىق رۇقسات قاعازىنىڭ كٷشٸنە ەنۋ مەرزٸمٸ 15 قىركٷيەككە دەيٸن شەگەرٸلدٸ. سەناتورلاردىڭ پٸكٸرٸنشە, دەمحانا مەن مەيرامحانالاردىڭ سىرتتاعى ورىندارىنا وتىرۋ ٷشٸن جەنە سۋپەرماركەتتەرگە كٸرۋ ٷشٸن رۇقسات قاعازدىڭ قاجەتٸ جوق. كەمەلەت جاسقا تولماعانداردىڭ دا سانيتارلىق رۇقسات قاعازىن الۋى شارت ەمەس.
پرەزيدەنت ەممانۋەل ماكروننىڭ جاقتاستارى باقىلايتىن پارلامەنتتٸڭ تٶمەنگٸ پالاتاسى – ۇلتتىق جيىن زاڭ جوباسىن ەندٸ قايتا قاراستىرادى. ولار سەناتورلاردىڭ پٸكٸرٸمەن كەلٸسپەي, قاتاڭ ەرەجەلەردٸ قالپىنا كەلتٸرۋٸ مٷمكٸن.
سانيتارلىق رۇقسات قاعازىندا ۆاكتسينا, پتر تەست نەمەسە انتيدەنە جٶنٸندە اقپارات بولادى. ٷكٸمەت پەن زاڭ شىعارۋشى ورگاننىڭ پٸكٸرٸنشە, فرانتسييا تۇرعىندارى بۇل قۇجاتسىز قوعامدىق ورىندارعا بارا الماۋى تيٸس. قازٸردٸڭ ٶزٸندە ەلدە كينوتەاتر, تەاتر, مۋزەيلەرگە كٸرۋ ٷشٸن وسىنداي رۇقسات قاعازى قاجەت.
كەيٸنگٸ كەزدە فرانتسييادا كوروناۆيرۋس جۇقتىرعاندار كٶبەيدٸ. بيلٸك ۆاكتسينالاۋدى جىلدامداتۋعا كٷش سالىپ جاتىر.
ەلەۋمەتتٸك ساۋالناما فرانتسۋزداردىڭ باسىم بٶلٸگٸنٸڭ شەكتەۋ شارالارىن قولدايتىنىن كٶرسەتكەنمەن بيلٸكتٸڭ ۇسىنىستارى قوعامدا ٶتكٸر رەاكتسييا تۋعىزدى. سەنبٸ كٷنٸ پاريج بەن ٶزگە قالالاردا سانيتارلىق رۇقسات قاعازى مەن مٸندەتتٸ ۆاكتسيناعا قارسى نارازىلىق ٶتتٸ. وعان رەسمي مەلٸمەت بويىنشا, 160 مىڭنان استام ادام قاتىستى.
پاريجدە نارازىلار پوليتسييامەن قاقتىعىسىپ قالدى. پرەزيدەنت ماكرون نارازىلىققا قاتىسۋشىلاردى ٶزٸمشٸلدٸك كٶرسەتتٸ, جاۋاپسىز قىلىق تانىتتى دەپ ٶتكٸر ايىپتادى. ول ۆاكتسينانى ٸندەتپەن كٷرەسۋدٸڭ ەڭ تيٸمدٸ امالى دەپ اتادى.
ەۋروپانىڭ ٶزگە قالالارىندا دا شەكتەۋ شارالارىنا قارسى ازاماتتار سەنبٸ كٷنٸ نارازىلىققا شىقتى.
