فوتو: اشىق دەرەككٶز
پاريجدەگٸ ەيگٸلٸ لۋۆر مۋزەيٸنەن ۇرلانعان قۇندىلىقتاردىڭ جالپى شىعىنى 88 ميلليون ەۋرو دەپ باعالاندى, دەپ حابارلايدى Ult.kz ريا نوۆوستي-گە سٸلتەمە جاساپ.
بۇل تۋرالى قالا پروكۋرورى لور بەككو RTL راديوسىنىڭ ەفيرٸندە مەلٸمدەدٸ.
«لۋۆر ديرەكتورى كەلتٸرٸلگەن زالالدى 88 ميلليون ەۋرو كٶلەمٸندە باعالادى», – دەدٸ ول.
بەككونىڭ ايتۋىنشا, بۇل سوما مۋزەيگە كەلتٸرٸلگەن تاريحي زالالمەن سالىستىرۋعا كەلمەيدٸ. ول قىلمىسكەرلەردٸڭ ۇرلانعان ەشەكەيلەردٸ ەرٸتٸپ نە بٶلشەكتەپ ساتۋ ارقىلى پايدا تابا المايتىنىن اتاپ ٶتتٸ. سول سەبەپتٸ پروكۋرور ولار «مەدەني قۇندىلىقتاردى بٷلدٸرمەسە ەكەن» دەگەن ٷمٸتٸن بٸلدٸردٸ.
ۇرلىق ٶتكەن جەكسەنبٸ كٷنٸ بولعان. پروكۋراتۋرا دەرەگٸنشە, تٶرت ادامنان تۇراتىن توپ بۇل قىلمىستى نەبەرٸ تٶرت مينۋتتىڭ ٸشٸندە جٷزەگە اسىرعان. ونىڭ ەكەۋٸ تٸكەلەي مۋزەي ٸشٸنە كٸرگەن.
قىلمىسكەرلەر بارلىعى فرانتسۋز پاتشايىمدارى مەن يمپەراتريتسالارىنا تيەسٸلٸ توعىز ەشەكەيدٸ ۇرلاپ كەتكەن. سولاردىڭ بٸرٸ تابىلىپ, مۋزەيگە قايتارىلعان.
باق مەلٸمەتٸنشە, كوللەكتسيياداعى ەڭ ٸرٸ اسىل تاس — سالماعى 140 كاراتتان اساتىن «رەگەنت» گاۋھارى ۇرلانباعان.
فرانتسييا ٸشكٸ ٸستەر مينيسترٸ لوران نۋنەس ۇرىلاردىڭ لۋۆرعا تەرەزە ارقىلى كٸرگەنٸن, وعان اۆتوكٶلٸككە ورناتىلعان باسپالداقتى پايدالانىپ, ەينەكتٸ «بولگاركامەن» كەسٸپ تٷسكەنٸن ايتتى. ول قىلمىستى شەتەلدٸكتەر جاساۋى مٷمكٸن ەكەنٸن دە جوققا شىعارمادى.
قىلمىسكەرلەر كەيٸن وقيعا ورنىنان سكۋتەرمەن قاشىپ كەتكەن. ابىروي بولعاندا, ەشكٸم زارداپ شەكپەدٸ.
پاريجدٸڭ بۇرىنعى پوليتسييا پرەفەكتٸسٸ ۇرىلاردىڭ مۇراجايدى الدىن الا مۇقييات زەرتتەگەنٸن بولجادى. قازٸر پروكۋراتۋرا تەرگەۋ امالدارىن جٷرگٸزٸپ جاتىر.
ايتا كەتەيٸك, Telegram نەگٸزٸن قالاۋشى پاۆەل دۋروۆ بۇل وقيعانى «بٸر كەزدەرٸ ۇلى بولعان فرانتسييانىڭ قۇلدىراۋىنىڭ بەلگٸسٸ» دەپ اتاپ, ۇرلانعان ەشەكەيلەردٸ ساتىپ الىپ, مۋزەيگە قايتارۋعا دايىن ەكەنٸن مەلٸمدەدٸ.
