قۇقىق قورعاۋشى الان ديۋفلو پرەزيدەنت ەممانۋەل ماكروننىڭ بەتٸنەن ۇرعان ەر ادام تٷرمەگە قامالىپ, 45 مىڭ ەۋرو (23 ميلليون تەڭگە) كٶلەمٸندە ايىپپۇل سالىنۋى مٷمكٸن ەكەنٸن ايتتى, - دەپ حابارلايدى ريا نوۆوستي.
"قىلمىستىق كودەكستٸڭ 222-13-بابىندا ەگەر بولعان جايتتان كەيٸن سەگٸز كٷن ٸشٸندە پرەزيدەنتتٸڭ جۇمىس ٸستەۋگە مٷمكٸندٸگٸ بولماعان جاعدايدا...3 جىلعا دەيٸن باس بوستاندىعىنان ايىرىلىپ, 45 مىڭ ەۋرو كٶلەمٸندە ايىپپۇل سالىنۋى مٷمكٸن", - دەدٸ ادۆوكات الان فيۋفلو.
ەسكە سالايىق, كەشە, 8 ماۋسىمدا فرانتسييا پرەزيدەنتٸن شاپالاقپەن ۇرعان ەر ادامنىڭ ۆيدەوسى تاراعان بولاتىن. ەلەۋمەتتٸك جەلٸلەردە پايدا بولعان ۆيدەو كادرلارىندا ەل پرەزيدەنتٸ ادامدارعا جاقىنداعانىن, ەر ادامداردىڭ بٸرەۋٸن قولىنان ۇستاپ تۇرعانىن كٶرۋگە بولادى, بٸراق تۇرعىن ونى ۇستاپ تۇرىپ, ەكٸنشٸ قولىمەن شاپالاقپەن ۇرادى. وسىدان كەيٸن جاعدايعا كٷزەتشٸ ارالاسادى, فرانتسييا پرەزيدەنتٸ بۇل ماڭنان كەتٸپ, ال ساقالدى ادام ۇستالادى.
تەلەارنا حابارىنا قاراعاندا, وقيعانى ەليسەي سارايىنىڭ ٶكٸلدەرٸ راستاعان, بٸراق ولار شاپالاق تۋرالى ەمەس, شاپالاق جاساۋعا وقتالۋ تۋرالى ايتىپ وتىر. وقيعادان كەيٸن ەكٸ ادام ۇستالعان.
