فرانتسييا اۋرۋحانالارىندا جاعداي قيىن. دەلتادان جۇقپالىراق دەپ تانىلعان وميكرون شتامىن ەكپە العان دەرٸگەرلەر دە جۇقتىرىپ جاتىر, سول سەبەپتٸ ولار جۇمىستان ٷزٸلٸس الۋعا مەجبٷر. ال ەكپە سالدىرماعان دەرٸگەرلەر جۇمىستان شەتتەتٸلۋدە, دەپ حابارلايدى قازاقپارات Euronews رەسۋرسىنا سٸلتەمە جاساپ.
اتالعان احۋال سالدارىنان استانالىق ٶڭٸردە قىزمەتكەرلەردٸڭ جەتٸسپەۋشٸلٸگٸنەن جانساقتاۋ بٶلٸمدەرٸندەگٸ تٶسەك-ورىن سانى 20%-عا قىسقاردى.
سونىمەن قاتار ستاتسيونارلارعا ۆيرۋس جۇقتىرعاندار كٶپ تٷسۋدە. اۋرۋحانا جەتەكشٸلەرٸ قىزمەتكەرلەرگە تٷسكەن سالماققا الاڭداۋلى.
«ەزٸرگە بٸزدٸڭ بريگادالار شىدامدىلىق تانىتۋدا, سەبەبٸ ەشتەڭەگە قاراماي, اۋرۋحاناعا جۇمىسقا كەلۋگە مەجبٷر. بەسٸنشٸ تولقىننىڭ ەرەكشٸلٸگٸ – قازٸرگٸ كەزدە دەرٸگەرلەر ەكپە العان جاعدايدا اۋرۋحاناعا تٷسپەيتٸن ناۋقاستار ٷشٸن كٷرەسٸپ جاتىر», - دەدٸ Delafontaine اۋرۋحاناسى ديرەكتورىنىڭ ورىنباسارى يوان مۋرە.
كەيبٸر اۋرۋحانالارداعى ناۋقاستار قورلاردىڭ تاپشىلىعىنان جاقسى جابدىقتالعان جەنە ۆيرۋس جۇقتىرعان ناۋقاستارى از باسقا ەمدەۋ مەكەمەلەرٸنە اۋىستىرىلىپ جاتىر.
ولاردى تاسىمالداۋ ٷشٸن سانيتارلىق اۆياتسييا قولدانىلاۋدا.
مۇنداي جاعداي ەكٸ جاعدايى اسا اۋىر ناۋقاستى ەلدٸڭ وڭتٷستٸگٸندەگٸ انتيبتان سولتٷستٸكتەگٸ ليللگە اۋىستىرۋ كەزٸندە بولعان.
«مۇنىڭ بەرٸ وڭاي ەمەس. بٸز ەكٸ جىل بۇرىن بولعان احۋالعا قايتا ورالعاندايمىز. حيرۋرگييالىق وتالاردى كەيٸنگە قالدىردىق. ودان بٶلەك, كوروناۆيرۋستىڭ بۇل تولقىنىمەن كٷرەسۋ ٷشٸن ەڭبەك دەمالىسىنان ۋاقىتىنان ەرتە شىقتىق», - دەيدٸ مەدبيكە.
كٶپ اۋرۋحانالاردا دەمالىس كٷندەرٸ جۇمىس ٸستەۋ, جوسپارداعى وتالاردى كەيٸنگە قالدىرۋ قالىپتى جاعدايعا اينالدى.
مەديتسينالىق قىزمەتكەرلەر مەن ولاردى ۇسىناتىن كەسٸپوداقتار دا پرەزيدەنتتٸك سايلاۋعا قالعان تٶرت اي ٸشٸندە بيلٸك ورناعان احۋالدى ەسەپكە الىپ, تيٸستٸ شەشٸم قابىلدايدى دەپ ٷمٸتتەنەدٸ.
