«فوستەر مىرزا, شاڭىراققا قاراڭىز!»: دەپۋتاتتار Air Astana پرەزيدەنتٸنە قاتتى اشۋلاندى

كوللاج: ult.kz

بٷگٸن مەجٸلٸستە «ەلدٸڭ كٶلٸك-لوگيستيكالىق ەلەۋەتٸن دامىتۋ تۋرالى» ٷكٸمەت ساعاتى ٶتتٸ. وندا دەپۋتتار Air Astana كومپانيياسىنىڭ پرەزيدەنتٸ پيتەر فوستەرگە شٷيلٸكتٸ. بۇل تۋرالى ULT.KZ تٸلشٸسٸ حابارلايدى.

دەپۋتاتتار  پيتەر فوستەرگە قازاقستاندا جۇمىس ٸستەپ جاتقانىن ەسكەرتٸپ, جەرگٸلٸكتٸ حالىقپەن ساناسۋى كەرەك ەكەنٸن باسا ايتتى.

«سٸز كٷلمەڭٸز وتىرىپ الىپ! سٸز بٸزدٸ مەنسٸنبەي وتىرسىز. بۇل جەردە كٷلەتٸن ەشتەڭە جوق. بٸز سٸزگە ابوريگەن ەمەسپٸز افريكاداعى ەشتەڭە تٷسٸنبەيتٸن. ويناماڭىز! بۇل پارلامەنت! وسى جەردە وتىرعانداردىڭ بەرٸ حالىقتىڭ ٶكٸلٸ», -دەپ دەپۋتات ەدٸل جاڭبىرشين كٷلٸپ وتىرعان پيتەر فوستەرگە قاراپ, اشۋعا بۋلىقتى.

دەپۋتات «Air Astana بٸزدٸڭ اسپانىمىزدىڭ قۇدايى بولىپ العان» دەپ, ەۋە كومپانيياسىنىڭ باسشىسىنا «وسى ەلدە جۇمىس ٸستەپ وتىرعاسىن, بٸزدٸڭ ەلدٸڭ مٷددەسٸن قورعاپ, زاڭىن سىيلاۋىڭىز كەرەك» دەپ ەسكەرتۋ جاسادى.

«Air Astana-نىڭ مەسەلەسٸن مايشاممەن قاراۋ كەرەك. فوستەر مىرزا, شاڭىراققا قاراڭىز! سٸز وسى مەملەكەتتٸڭ زاڭىنا باعىنۋىڭىز كەرەك. بٸز مۇساباەۆ ەكەۋٸمٸز 1 ساعات كەشٸككەنگە 3 پايىز ايىپپۇل سالاتىن نورما ەنگٸزدٸك. ەندٸ قىزىقتى قاراڭىز, Air Astana 12 ساعاتقا كەشٸكتٸ, مەن ەلٸ ايىپپۇلىن الا الماي جٷرمٸن. نەگە? ولار قۇيتۇرقى سحەما جاساپ قويعان», -دەيدٸ دەپۋتات.

مەجٸلٸس دەپۋتاتى باقىتجان بازاربەك تە ەدٸل جاڭبىرشيننٸڭ فوستەر مىرزاعا «شاڭىراققا قاراڭىز!» دەگەن ەسكەرتۋٸن قولدايتىنىن ايتتى. ول ٶز باسىنان ٶتكەن جاعدايدى مىسالعا كەلتٸردٸ.

«حالىق رەيستەن قالىپ, 8 ساعات تۇردى. ال فوستەر مىرزا سول حالىقتىڭ قاسىنان ٶتتٸ. بەرٸ Air Astana دەپ شۋلاپ جاتىر. توقتاماي لاۋندج بارعا كٸرٸپ كەتتٸ. سول لاۋندج باردا كوفەسٸن ٸشٸپ وتىرعان. مەن دە سول رەيستٸڭ ٸشٸندەمٸن. مەن كٶتەرٸلدٸم دە, سول فوستەر مىرزاعا: -"استىندا حالىق كٷتٸپ وتىر, نۋكا تٷسٸڭٸز! " دەدٸم. سوندا ول تٷسپەيدٸ, ٶزٸنٸڭ ٶكٸلدەرٸن جٸبەرٸپ قويعان. سوندا ول تٷسكٸسٸ كەلمەيدٸ, حالىقپەن كەزدەسكٸسٸ كەلمەيدٸ. مٸنە, قارىم-قاتىناسى وسىنداي! تەك مەن ٶزٸمنٸڭ دەپۋتاتتىق كۋەلٸگٸمدٸ كٶرسەتكەننەن كەيٸن عانا تٷستٸ», -دەيدٸ دەپۋتات.

سودان كەيٸن دەپۋتات باقىتجان بازاربەك Air Astana كاريب ارالدارىندا تٸركەلگەنٸن, كومپانييانىڭ بارلىق ۇشاقتارى يرلاندييادا تٸركەلگەنٸن ايتتى. 

«ازاماتتىق اۆياتسييا كونۆەنتسيياسىنىڭ 17 بابىنا سەيكەس ەۋە كەمەلەرٸ قاي ەلدە تٸركەلسە, سول ەلدٸڭ يەلٸگٸ بولىپ تانىلادى. ياعني Air Astana-نىڭ 50 ەۋە كەمەسٸ يرلاندييادا تٸركەلگەن. ازاماتتىق اۆياتسييا كونۆەنتسيياسىنىڭ 17 باپ تالاپتارى بويىنشا Air Astana قازاقستان كومپانيياسى ەمەس, ول يرلاندييا ەۋە كومپانيياسى. بٸز بيۋدجەتتەن ميللياردتاعان سۋبسيديانى قازاقستان كومپانيياسىنا ەمەس, يرلاندييا كومپانيياسىنا بٶلەمٸز, ەرٸپتەستەر! ال كونۆەنتسييانىڭ 18 بابى بويىنشا ەكٸ تٸركەۋگە تىيىم سالىنعان. ول ەكٸ ەل ازاماتتىعى سيياقتى. سونداي-اق, كەيپتاۋن كونۆەنتسيياسىنىڭ «جىلجىمالى قۇرىلعىعا حالىقارالىق كەپٸلدٸك بويىنشا» 20 بابىندا "بەلگٸلٸ بٸر ەلدە تٸركەۋ كەلەسٸ ەلدٸڭ كەلٸسٸمٸمەن جٷزەگە اسادى" دەلٸنگەن. مەنٸڭ سۇراعىم, بٸزدٸڭ ٷكٸمەت ەۋە كەمەلەرٸن يرلاندييادا تٸركەۋگە رۇقسات بەرگەن بە? جاۋاپ بار. 2012 جىلى بٸزدٸڭ ٷكٸمەت Air Astana بارلىق ەۋە كەمەلەرٸن يرلاندييادا تٸركەۋگە قۇجاتتاردىڭ بارلىعىنا قول قويعان. Air Astana يرلاندييا كومپانيياسى بولسا, بٸز نەگە ميللياردتاعان اقشا جۇمسايمىز?» -دەيدٸ دەپۋتات.

سونداي-اق ول ليزينگتٸك ەۋە كومپانييالارىنا سالىق يرلاندييادا -1,25 پايىز بولعانى بٸزگە تيٸمدٸ, بٸراق قانداي دا بٸر جاعداي بولسا ەۋە كەمەلەر يرلاندييادا قالۋى مٷمكٸن دەگەن قاۋٸپ بار ەكەنٸن ايتتى.

Air Astana-نىڭ مونوپولييالىق جاعدايىنا بايلانىستى وسى كەزگە دەيٸن ساپالى ەۋە قىزمەتٸن پايدالانا الماي وتىرمىز دەپ شاعىمدانعان دەپۋتات ابزال قۇسپان كەمشٸلٸكتەردٸ ساۋساقپەن ساناپ بەردٸ.

«تۇتىنۋشىلاردىڭ قۇقىعى بۇزىلادى, بٸر. كەشٸگەدٸ, ەكٸ. رەيستەرٸن "وتمەنيت" ەتٸپ تاستايدى, ٷش. بٸراق بۇل ٷشٸن ەشقانداي جاۋاپكەرشٸلٸك جوق بۇل كومپانيياعا», -دەگەن دەپۋتات Air Astana-نىڭ مونوپولييالىق جاعدايى قاشان شەشٸلەتٸنٸن سۇرادى.

«مۇنداي كەشٸگۋلەر باسقا ەلدەردە دە بار»

قر كٶلٸك مينيسترٸ مارات قاراباەۆ ۇشاق رەيسٸنٸڭ كەشٸگۋٸ قالىپتى جاعداي, بارلىق ەلدە سولاي ەكەنٸن ايتتى. 

«ەلەمدە "رەگۋليارنوست پولەتا" دەگەن بولادى. بيىل 23 پايىز ۇشاق كەشٸككەن, 77 پايىزى ۋاقىتىلى ۇشتى. دەل وسىنداي ينديكاتور باسقا ەلدەردە دە بار», -دەگەن مينيستر بيىلعا ۇشاق رەيستەرٸنٸڭ كەشٸگۋٸ ەلدەگٸ بٸرنەشە ەۋەجايلاردا ۇشۋ الاڭدارىنداعى جٶندەۋ جۇمىستارىنا  بايلانىستى دەگەن ۋەج ايتتى.

دەپۋتاتتار Air Astana-عا قاراستى FlyArystan كومپانيياسى تۋرالى دا مەسەلە كٶتەردٸ.

«ەۋروپادا لوۋكوستەرلەردەگٸ بيلەتتٸڭ ورتاشا قۇنى 20 ەۋرو, ال بٸزدە FlyArystan لوۋكوستەرٸنە بٷگٸن بيلەت قارادىم, تٷركٸستانعا 60 مىڭ تەڭگە, قىزىلورداعا 50 مىڭ تەڭگە. بۇل قالاي لوۋكوستەر بولادى?! نەگٸزٸ بۇل ەكٸ كومپانييا (Air Astana مەن FlyArystan, رەد.) بٸر كومپانييا, بٸر زاڭدى تۇلعا, بٸر ترانسپورت», -دەدٸ مەجٸلٸسمەن مۇرات ەبەنوۆ.

دەپۋتات جۇلدىز دوسبەرگەنقىزى پيتەر فوستەرگە ٶز ساۋالىن جولدادى:

«بٸز 7 شاقىرىلىم «جاڭا قازاقستان»دەپۋتاتتىق توبى بولىپ تۇرعان كەزدە, سامۇرىق-قازىنانىڭ باسشىلىعى بار, شاقىرىپ, سٸزدەرگە ۇسىنىس ايتقان بولاتىنبىز. ول ۇسىنىستىڭ نەگٸزٸ قازاقتٸلدٸ كونتەنت بويىنشا ەدٸ. قازٸرگٸ تاڭدا بالالاردىڭ كونتەنتٸ, اۋديوكٸتاپتاردىڭ كونتەنتٸ, سونىمەن قاتار قازاق فيلمدەرٸ, دەرەكتٸ فيلمدەر قازاق تٸلٸندە ساپالى كونتەنتتەر جاسالىپ جاتىر. بٸز Air Astana-مەن الىس شەتەلگە بارساق تا, تٸپتٸ الماتىعا دەيٸن جٷرسەك تە, سٸزدەردەگٸ كونتەنت سول تالاپقا سەيكەس كەلمەيدٸ. جەڭٸل-جەلپٸ نەمەسە شەتەلدٸك كونتەنت. سوعان بايلانىستى, بٸزدٸڭ اقپاراتقا جەنە ساپالى كونتەنتكە قولجەتٸمدٸلٸك مەسەلەسٸنە كٶڭٸل بٶلٸپ, بالالاردىڭ جاس ەرەكشەلٸكتەرٸنٸڭ اياسىندا قانداي كونتەنت بار, سول كونتەنتتٸ جٷكتەپ قويۋلارىڭىزدى قايتادان سۇرايمىز?» -دەدٸ جۇلدىز دوسبەرگەنقىزى.

ايتا كەتەيٸك, wikipedia مەلٸمەتٸ بويىنشا Air Astana ەۋەكومپانيياسى "سامۇرىق-قازىنا" ۇلتتىق ەل-اۋقات قورىنىڭ (51 %) جەنە بريتاندىق BAE Systems PLC كومپانيياسىنىڭ (49%) بٸرلەسكەن كەسٸپورنى رەتٸندە قۇرىلىپ, 2002 جىلعى 15 مامىردا كوممەرتسييالىق رەيستەردٸ ورىنداي باستادى.

2024 جىلعى اقپاندا كومپانييا قازاقستان جەنە لوندون قور بيرجالارىندا قوس ليستينگ الدى. بۇل ورتالىق ازييا مەن كاۆكاز ٶڭٸرٸندەگٸ ەڭ ٸرٸ ەۋەكومپانييا, قازاقستاننان ٸشكٸ جەنە ٶڭٸرٸشٸلٸك مارشرۋتتاردا نارىقتىڭ 69% جەنە 40% -الادى.

بالجان جەڭٸسقىزى