قر مەدەنيەت جەنە سپورت مينيسترلٸگٸ كەسٸپقوي بوكسشى فيرۋزا شەرٸپوۆانىڭ مەلٸمدەمەسٸنە رەسمي تٷردە جاۋاپ بەردٸ, دەپ حابارلايدى قازاقپارات تٸلشٸسٸ.
«وتاندىق سپورتشىعا قولداۋ كٶرسەتۋ ماقساتىندا فيرۋزا شەرٸپوۆانىڭ WBC چەمپيوندىق بەلبەۋٸنٸڭ يەگەرٸ ەۆا ۆالسترەممەن بٸرٸككەن جەكپە-جەگٸن ٶتكٸزۋ ٷشٸن قر مەدەنيەت جەنە سپورت مينيسترلٸگٸ 2018 جىلدىڭ مامىر ايىندا 74,8 ملن تەڭگە كٶلەمٸندە قاراجات بٶلدٸ. الايدا ول وسى جەكپە-جەكتٸ ٶتكٸزۋدٸڭ ورنىنا يۋلييا كۋتسەنكومەن ٶز تيتۋلىن قورعاۋ جەكپە-جەگٸن ٶتكٸزگەن. وسىلايشا, اسا ماڭىزدى بٸرلەسكەن كەزدەسۋگە بٶلٸنگەن 74,8 ملن تەڭگە قاراجات تيتۋلدى قورعاۋ جەكپە-جەگٸن ۇيىمداستىرۋعا جۇمسالعان», - دەيدٸ قر مسم سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ.
ەسكە سالا كەتسەك, فيرۋزا شەرٸپوۆا IBO تۇجىرىمى بويىنشا ەلەم چەمپيونى تيتۋلىنان جەنە WBC Silver بەلبەۋٸنەن ايىرىلعانى وسىعان دەيٸن حابارلانعان بولاتىن. وعان قاتىستى سپورتشى:
«بۇل - قالىپتى جاعداي, سەبەبٸ بٸر جىلدان بەرٸ قورعالعان جوق. چەمپيون ٶز بەلبەۋٸن قورعاۋى تيٸس. ٶتكەن جىلدىڭ سوڭىندا ەۆا ۆالسترەممەن بٸرلەسكەن ايقاس ٶتكٸزۋدٸ جوسپارلادىق. ول - WBC تۇجىرىمى بويىنشا چەمپيوندىق تيتۋلدىڭ يەگەرٸ. قارجىلاندىرۋعا كٶمەك سۇرادىق. ەكٸمدٸكتەر مەن مەدەنيەت جەنە سپورت مينيسترٸنە حات جولدادىق. ٶكٸنٸشكە قاراي, بٸزگە قاراجات تابىلمادى», - دەگەن ەدٸ.
ونىڭ ايتۋىنشا, ە. ۆالسترەم ٷلكەن كٶلەمدەگٸ گونورار سۇراعان.
«مۇنىڭ الدىندا WIBA تيتۋلىن قورعادىم, سوندىقتان مەن وسى نۇسقاداعى ەلەم چەمپيونىمىن. مەن بەلبەۋلەرٸمدٸ جوعالتقان جوقپىن, كەلەسٸ ايقاستا ونى رينگكە الىپ شىعامىن. مەن وسى نۇسقاداعى قازٸرگٸ ەلەم چەمپيونى مەرتەبەسٸنەن ايىرىلدىم. بۇل مەنٸڭ جەنە كوماندامنىڭ كٸنەسٸ ەمەس - مەن ودان ايقاستا جەڭٸلگەندٸكتەن ايىرىلمادىم. قازاقستاندا بٸزدٸ ەشكٸم قولداعان جوق», - دەپ اتاپ ٶتتٸ ول.
