فينلياندييا رەسەيمەن شەكاراسىندا قورشاۋ تۇرعىزۋى مٷمكٸن. بۇل تۋرالى فينلياندييا ٸشكٸ ٸستەر مينيسترٸ كريستا ميككونەن حابارلادى. 9 ماۋسىمدا ٷكٸمەت پارلامەنتكە شەكارا قىزمەتٸ تۋرالى زاڭعا تيٸستٸ ٶزگەرتۋلەردٸ نەعۇرلىم تەزٸرەك ەنگٸزۋ جٶنٸندە ۇسىنىس جاسادى, دەپ حابارلايدى ازاتتىق راديوسى.
دۋال قۇرىلىسىنان بٶلەك, شەكاراشى سانىن كٶبەيتٸپ, جاڭادان تەحنيكالىق باقىلاۋ قۇرالدارى مەن بارلاۋشى ۇشاقتار ساتىپ الۋ كٶزدەلگەن. بۇل ماقساتقا قاجەت قارجى كٶكتەمدە بٶلٸنٸپ قويعان. ميككونەننٸڭ سٶزٸنشە, شەكارا قىزمەتٸ كٶرشٸ ەلدٸڭ ساياسي قىسىم جاساۋعا ميگرانتتاردى پايدالاناتىن "گيبريد ىقپالىنا" تويتارىس بەرۋگە دە دايىن بولۋى كەرەك. مۇنداي تەسٸل 2021 جىلى بەلارۋس پەن پولشا شەكاراسىندا قولدانىلاعان.
سونىمەن بٸرگە شەتەلدٸكتەر تۋرالى زاڭعا دا ٶزگەرٸستەر ەنگٸزٸلمەك. فينلياندييادان پانا سۇراۋشىلاردىڭ ٶتٸنٸشٸن شەكارا بەكەتٸندە قابىلداپ, بٸردەن قارايتىن بولادى. بۇل فينلياندييانىڭ ٶزگە ايماعىنا نەمەسە ەۋروپا وداعىنىڭ ٶزگە ەلدەرٸنە ميگرانتتاردىڭ اعىلۋىنا جول بەرمەۋ ٷشٸن جاسالادى. ٷكٸمەت بايانداماسىندا حالىقارالىق جاعدايدىڭ ٶزگەرۋٸنە بايلانىستى فينلياندييانىڭ جاقىن ارادا جەنە ۇزاق مەرزٸمدە "گيبريد ىقپالدىڭ" كەڭ كٶلەمدٸ ەرٸ كٷردەلٸ تٷرلەرٸنە دايىن بولۋعا ەزٸرلەنٸپ جاتقانى ايتىلعان.
فينلياندييا مەن رەسەي اراسىنداعى شەكارانىڭ ۇزىندىعى 1271 كيلومەتر, شەكارادان ەل استاناسى حەلسينكيگە دەيٸن 200 شاقىرىم.
رەسەي كٷشتەرٸ 24 اقپاندا ۋكرايناعا باسىپ كٸرگەن سوڭ بۇعان دەيٸن بەيتاراپ مەملەكەت بولعان فينلياندييا ناتو ۇيىمىنا كٸرۋگە تٸلەك بٸلدٸردٸ. كٶپ ۇزاماي رەسمي حەلسينكي سولتٷستٸك-اتلانتيكالىق ەسكەري وداققا تيٸستٸ ٶتٸنٸشٸن تاپسىرىپ تا قويدى. بٸراق وسى وداقتىڭ بٸر مٷشەسٸ تٷركييا فينلياندييانى ۇيىمعا قابىلداۋعا قارسى بولىپ وتىر.
