«ەير استانا» ۇشاعىندا قازاقستاندىقتىڭ قوماقتى قاراجاتىن ۇرلاعان قىتاي ازاماتشاسى ۇستالدى. بۇل تۋرالى كٶلٸكتەگٸ پوليتسييا دەپارتامەنتٸنەن مەلٸم ەتتٸ, - دەپ حابارلايدى «ۇلت اقپارات».
دەپارتامەنتتٸڭ حابارلاۋىنشا, قحر ازاماتشاسى كٸنەسٸن تولىقتاي مويىنداعان. ۇرلانعان اقشا تەركٸلەنٸپ, يەسٸنە قايتارىلعان.
«نۇر-سۇلتان قالاسى ەۋەجايىنىڭ جەلٸلٸك پوليتسييا بٶلٸمٸنە 40 جاستاعى قازاقستان ازاماتشاسى جٷگٸنٸپ, «ەير استانا» ەۋە كومپانيياسىنىڭ «بەيجٸڭ-نۇر-سۇلتان» باعىتىنداعى ەۋە كەمەسٸمەن ۇشىپ كەلە جاتقاندا قول سٶمكەسٸندەگٸ 4 500 اقش دوللارىنىڭ (1 744 290 تەڭگە) جوعالعانىن ايتىپ شاعىمداندى. كٶلٸك پوليتسيەيلەرٸ جەدەل ٸزدەۋ بارىسىندا وسى رەيسپەن ۇشىپ كەلگەن 1993 جىلى تۋعان قحر ازاماتشاسىن انىقتاپ, ۇستادى», - دەپ اتاپ ٶتەدٸ دەپارتامەنتتەن.
ۆەدومستۆو مەلٸمەتٸنشە, قىتاي ازاماتشاسىنىڭ سٶمكەسٸن تەكسەرٸپ قاراۋ بارىسىندا جوعالعان 1 744 290 تەڭگە تابىلعان.
«نۇر-سۇلتان قالاسى ەسٸل اۋداندىق سوتىنىڭ ٷكٸمٸمەن قحر ازاماتشاسى قىلمىستىق كودەكستٸڭ 188-بابى 3-تارماعى 1-تارماقشاسىندا كٶزدەلگەن قىلمىستى جاساعانى ٷشٸن كٸنەلٸ دەپ تانىلدى. وعان شارتتى تٷردە 3 جىلعا باس بوستاندىعىن ايىرۋ, مەجبٷرلٸ تٷردە قازاقستان رەسپۋبليكاسىنان تىسقارى شىعارۋ, 5 جىل مەرزٸمگە قازاقستان رەسپۋبليكاسىنىڭ اۋماعىنا كەلۋگە تىيىم سالۋ جازاسى تاعايىندالدى» دەلٸنگەن تاراتىلعان اقپاراتتا.
