«اكتوبە, دىشي!» ەرٸكتٸلەر قوزعالىسىنىڭ ۇيىمداستىرۋشىسى, ەكو-امباسسادور ەۆگەنيي لازارچۋك 10 شٸلدە كٷنٸ ٷكٸمەتتٸڭ كەڭەيتٸلگەن وتىرىسىندا پرەزيدەنت ايتقان مەكتەپتەردە ەكولوگييالىق بٸلٸم بەرۋ قاجەتتٸگٸن قولدادى, دەپ حابارلايدى قازاقپارات.
ول ٶزٸنٸڭ اتالعان قوزعالىسى اقتٶبەدەگٸ مەكتەپتەردە ساباقتار ٶتكٸزٸپ جٷرگەنٸن مىسال رەتٸندە كەلتٸردٸ.
«بٸز بالالارمەن بٸرگە ەمەن كٶشەتٸن وتىرعىزىپ, ولارعا اعاشتىڭ پايداسى, اۋا ساپاسى, ولارسىز جەر شٶلگە اينالىپ, ىلعال جوعالاتىنىن ايتىپ جٷرمٸز. بالالارعا بۇل ٶتە قىزىق, ولار قالادا اعاشتاردى جيٸرەك كٶرگٸسٸ كەلەتٸندەرٸن ايتتى. سوندىقتان, بالالارعا بالا كەزٸنەن قوقىس جيناۋ داعدىلارىن قالىپتاستىرىپ, ولارعا ەكولوگييا مەسەلەلەرٸن ايتىپ جٷرۋ كەرەك. مەسەلەن, يتبالىقتار بالىق اۋلايتىن تورعا قالاي ورالىپ قالاتىنى, قۇستار پلاستيكتٸ جۇتىپ, ٶلٸپ قالاتىنى. مۇنداي مىسالدار كٶپ قوي. ولارعا كٶزبەن كٶرسەتۋ كەرەك. ەگەر بالا وسىنى بٸر-ەكٸ رەت كٶرسە, ول قاعازدى ەشقاشان جەرگە تاستامايتىن بولادى. قازٸر بالالارعا وسىنداي ساباقتار ٶتكٸزەتٸن ەرٸكتٸلەر ۇيىمدارى پايدا بولدى. مىسالى, تەمٸرتاۋدا وقۋشىلارعا ارناپ بوس بٶتەلكەلەر تاستايتىن ارنايى جەشٸكتەر قويىلىپ جاتىر, ياعني وسى ارقىلى قوقىستى جەكە جيناۋعا ٷيرەتەدٸ. بٸز ەكولوگييا دەپارتامەنتٸمەن بٸرگە قالدىقتار تاستالاتىن جەرلەردٸ ارالايمىز, بٸراق بارلىعىن قوقىس جيناۋعا تارتۋ كەرەك», - دەدٸ ەۆگەنيي لازارچۋك.
ول وسى مەسەلەنٸ شەشۋ ٷشٸن مىناداي شارالاردى ۇسىندى.
«مەنٸڭ ويىمشا, تابيعاتتى قورعاۋ پوليتسيياسىنا كٶپ قىزمەتكەرلەردٸ تارتىپ, ەكٸمشٸلٸك ايىپپۇلداردى قاتايتۋ كەرەك, رۇقسات ەتٸلمەگەن جەرگە قوقىس تاستاعانى ٷشٸن جاۋاپكەرشٸلٸككە كٶبٸرەك تارتىپ, قاتتى تۇرمىستىق قالدىقتاردى تۇراقتى شىعارۋدى جولعا قويۋ قاجەت. اقتٶبەدە بۇل بۇرىننان كەلە جاتقان مەسەلە. قوقىس پوليگونىنداعى مەسەلەلەر ٶتە كٶپ, پلاستيكتەردٸ قايتا ٶڭدەۋدٸڭ ورنىنا كٶمٸپ تاستايدى. بٸزدە پلاستيكتەردٸ دە, شىنىلاردى دا قايتا ٶڭدەيتٸن زاۋىتتار جوق. مىسالى, ەۋروپادا ادامدار اقشاعا بٶتەلكە, پاكەتتەردٸ ٶتكٸزٸپ, تاۋارلارعا جەڭٸلدٸك الادى. ولار وسى ارقىلى ەكولوگييانى جاقسارتۋعا كٶمەكتەسٸپ جاتقانىن تٷسٸنەدٸ. باتىستا قايتالاما شيكٸزەت قابىلدايتىن ارنايى اۆتوماتتار بار. ەلەمدە مۇنداي يننوۆاتسييالار ٶتە كٶپ, وسىلاردى بٸزدٸڭ ەلگە دە ەنگٸزۋ كەرەك. ەلٸمٸزدەگٸ ەكولوگييالىق جاعداي مەز ەمەس. بٸز قازٸر رەسپۋبليكادا 10 جىلعا ەلدە اعاش كەسۋگە موراتوريي ەنگٸزۋ تۋرالى پەتيتسييا جيناپ جاتىرمىز. سەبەبٸ, جاعداي ٶتە قيىن. بٸر جارىم اپتانىڭ ٸشٸندە پەتيتسيياعا 5,5 مىڭ ادام قول قويدى. باستامامىزدى جالعاستىرىپ, پرەزيدەنتتەن اعاش كەسۋدٸ توقتاتۋدى ٶتٸنەمٸز, ٶيتكەنٸ ەلدە شٶلەيتتەنۋ جٷرٸپ جاتىر. بٸز ىلعالدى جوعالتامىز, سونىڭ سالدارىنان ٶزەندەر قۇرعاپ, اۋاداعى وتتەگٸنٸڭ مٶلشەرٸ ازايىپ, شاڭ ارالاس داۋىلدار بولىپ جاتىر. مۇنىڭ بەرٸ اعاشتاردىڭ بولماۋىنان», - دەپ اتاپ ٶتتٸ ەكو-بەلسەندٸ.
