ەۋروپانىڭ التى ٸرٸ كومپانيياسى ٶندٸرٸسٸ مەن كەڭسەلەرٸن قازاقستانعا كٶشٸرۋگە شەشٸم قابىلدادى. بۇل تۋرالى پرەمەر-مينيستر ەليحان سمايىلوۆ مەلٸمدەدٸ, - دەپ حابارلايدى Tengrinews.kz.
پرەمەر-مينيستردٸڭ ايتۋىنشا, رەسەي نارىعىنان شىعىپ كەتكەن 300-دەن اسا ەۋروپالىق كومپانييالارمەن اقپاراتتىق-تٷسٸندٸرۋ جۇمىستارى جٷرگٸزٸلگەن.
"ٶندٸرٸس ورىندارىن كٶشٸرۋگە 50-دەن اسا كومپانييا قىزىعۋشىلىق تانىتتى. التى كومپانييا شەشٸم قابىلداپ, ٶندٸرٸس ورىندارى مەن كەڭسەلەرٸن قازاقستانعا كٶشٸرٸپ جاتىر. قالعان كومپانييالار اتقارۋشى ورگاندارمەن, مينيسترلٸكپەن, جەرگٸلٸكتٸ كومپانييالارمەن كەلٸسسٶز جٷرگٸزٸپ جاتىر", - دەدٸ سمايىلوۆ سەنات وتىرىسىندا.
