بٷگٸن «استانا ارەنادا» ەلوردالىق «استانا» كومانداسى سەربييانىڭ «پارتيزان» كومانداسىن قابىلدادى, دەپ حابارلايدى "ۇلت اقپارات".
1-تۋردا «مانچەستەر يۋنايتەدتەن» ۇتىلعان استانالىقتار بٷگٸن جەڭٸسكە جەتۋ ٷشٸن بارىن سالاتىنى و باستان بەلگٸلٸ ەدٸ. الايدا, ويىنداعى العاشقى گولدى قوناقتاردىڭ شابۋىلشىسى ومار سادىق 28-شٸ مينۋتتا سوقتى.
«استانا» فۋتبولشىلارى گول سوعۋ ٷشٸن قانشا تالپىنعانىمەن, پارتيزانداردىڭ قارىمتا شابۋىلدارى قاۋٸپتٸ بولدى. 73-مينۋتتا سونداي شابۋىلداردىڭ تاعى بٸرٸ گولمەن اياقتالدى. بۇل جولى دا ومار سادىق گول اۆتورى بولدى. ول ٷشٸنشٸ رەت تە گول سوعىپ ەدٸ, بٸراق وفسايدتا تۇرعاندىقتان, تٶرەشٸلەر گولدى ەسەپكە المادى.
«استانا» جاعدايدى رەتتەۋ ٷشٸن بارىنشا شابۋىلدادى. ستاديونعا كەلگەن جانكٷيەرلەر سٷيٸكتٸ كومانداسىنىڭ گولىن 85-شٸ مينۋتقا دەيٸن كٷتتٸ. كٶپ شابۋىلدىڭ بٸرٸندە ر. سيگۋرونسسون گول سوعىپ, ەسەپتٸ قىسقارتتى. ويىن 1:2 ەسەبٸمەن اياقتالدى.
ەكٸ ويىندا دا جەڭٸلٸسكە ۇشىراعان «استانا» L توبىندا 4-ورىندا قالدى. «پارتيزان» 4 ۇپايمەن كەستە باسىنا شىعىپ الدى.
