ەۋروپا قايتادان كوروناۆيرۋس ٸندەتٸنٸڭ وشاعىنا اينالدى. كوروناۆيرۋس جۇقتىرعانداردىڭ كٶبەيۋٸنە الاڭداعان ايماقتاعى كەيبٸر ەلدەر شەكتەۋ شارالارىن قايتا ەنگٸزدٸ.
ۆاكتسينالاۋ ناۋقانىنىڭ جوعارى دەڭگەيٸ مەن ساپالى دەنساۋلىق ساقتاۋ جٷيەسٸنە قاراماستان, ەۋروپادا اپتا سايىنعى كوروناۆيرۋس كٶرسەتكٸشٸ قازان ايىنان بەرٸ ٷزدٸكسٸز جوعارىلاپ, قازٸر بۇرىن-سوڭدى بولماعان دەڭگەيگە جەتتٸ.
كەيٸنگٸ جەتٸ كٷندە ەۋروپادا 2,1 ملن ادامنان كوروناۆيرۋس انىقتالعان. بەس مەملەكەت: ۇلىبريتانييا, گەرمانييا, رەسەي, تٷركييا جەنە ۋكراينادا – ناۋقاستار الدىڭعى اپتالارمەن سالىستىرعاندا 50 پايىزعا ارتقان. ادام ٶلٸمٸ دە جوعارى.
دٷنيەجٷزٸلٸك دەنساۋلىق ساقتاۋ ۇيىمى (ددسۇ) ٶتكەن اپتادا ناۋقاستاردىڭ ون پايىزعا كٶبەيگەنٸن حابارلاعان. ٷكٸمەتتەر ۆيرۋستىڭ كٷشەيۋٸنە تٷرلٸ شارا قولدانىپ جاتىر.
نيدەرلاندى ٷكٸمەتٸ 12 قاراشادا ٷش اپتاعا سوزىلاتىن جارتىلاي لوكداۋن جارييالادى. اۆسترييا ەكٸ ٶلكەدە ۆاكتسينا الماعاندارعا 15 قاراشادان باستاپ ٷيدەن تەك ماڭىزدى شارۋالارعا عانا شىعۋعا رۇقسات بەردٸ. گەرمانييادا كەيٸنگٸ كٷندەرٸ كوروناۆيرۋس جۇقتىرعانداردىڭ رەكوردتىق كٶرسەتكٸشٸ تٸركەلسە دە, رەسمي ورىندار لوكداۋن ەنگٸزبەس ٷشٸن ۆاكتسينانى حالىققا مٸندەتتەگەن جوق.
