Eýropa qaitadan koronavirýs indetiniń oshaǵyna ainaldy. Koronavirýs juqtyrǵandardyń kóbeiýine alańdaǵan aimaqtaǵy keibir elder shekteý sharalaryn qaita engizdi.
Vaktsinalaý naýqanynyń joǵary deńgeii men sapaly densaýlyq saqtaý júiesine qaramastan, Eýropada apta saiynǵy koronavirýs kórsetkishi qazan aiynan beri úzdiksiz joǵarylap, qazir buryn-sońdy bolmaǵan deńgeige jetti.
Keiingi jeti kúnde Eýropada 2,1 mln adamnan koronavirýs anyqtalǵan. Bes memleket: Ulybritaniia, Germaniia, Resei, Túrkiia jáne Ýkrainada – naýqastar aldyńǵy aptalarmen salystyrǵanda 50 paiyzǵa artqan. Adam ólimi de joǵary.
Dúniejúzilik densaýlyq saqtaý uiymy (DDSU) ótken aptada naýqastardyń on paiyzǵa kóbeigenin habarlaǵan. Úkimetter virýstyń kúsheiýine túrli shara qoldanyp jatyr.
Niderlandy úkimeti 12 qarashada úsh aptaǵa sozylatyn jartylai lokdaýn jariialady. Avstriia eki ólkede vaktsina almaǵandarǵa 15 qarashadan bastap úiden tek mańyzdy sharýalarǵa ǵana shyǵýǵa ruqsat berdi. Germaniiada keiingi kúnderi koronavirýs juqtyrǵandardyń rekordtyq kórsetkishi tirkelse de, resmi oryndar lokdaýn engizbes úshin vaktsinany halyqqa mindettegen joq.
