گەرمانييانىڭ بۇرىنعى قورعانىس مينيسترٸ ۋرسۋلا فون دەر ليايەن ەۋروكوميسسييانىڭ جاڭا باسشىسى بولىپ سايلاندى. مۇنداي شەشٸم 16 شٸلدەدەگٸ ەۋروپارلامەنت وتىرىسىندا قابىلداندى. فون دەر ليايەن ەۋروكوميسسييانى باسقاراتىن العاشقى ەيەل بولماق.
ەۋروپا حالىقتىق پارتيياسى ۇسىنعان ۋرسۋلا فون دەر ليايەننٸڭ كانديداتۋراسىن 383 دەپۋتات قولداپ داۋىس بەرگەن. تيٸستٸ مەجەدەن ٶتۋ ٷشٸن ول كەمٸندە 374 داۋىس جيناۋ كەرەك بولعان. 327 دەپۋتات قارسى داۋىس بەرٸپ, 22 دەپۋتات قالىس قالعان.
داۋىس بەرۋ الدىندا سٶيلەگەن سٶزٸندە ۋرسۋلا فون دەر ليايەن سايلانىپ جاتسا ەۋروكوميسسيياداعى گەندەرلٸك بالانستىڭ ساقتالۋىنا نازار اۋداراتىنىن ايتىپ, برەكزيت ۋاقىتىنىڭ ۇزارۋى مٷمكٸندٸگٸ جايلى سٶز قوزعاعان.
ساراپشىلار فون دەر ليايەنگە بەرگەن داۋىستىڭ اسا كٶپ ەمەس ەكەنٸن ايتادى. مەسەلەن, ونىڭ الدىندا بۇل قىزمەتتٸ اتقارعان جان-كلود يۋنكەر 2014 جىلى 422 داۋىس جيناعان. كەي ساراپشىلار فون دەر ليايەن ەۋرووداقتىڭ بيۋروكراتييالىق ماشيناسىن باسقارۋدا بٸرقاتار قيىندىقتارمەن كەزدەسەتٸنٸ سٶزسٸز دەپ وتىر.
ۋرسۋلا فون دەر ليايەن بۇل قىزمەتٸكە بيىل قاراشا ايىندا كٸرٸسٸپ, الداعى بەس جىل بويى باسقاراتىن بولادى.
