بٷگٸن نيدەرلاندىنىڭ زەيست قالاسىندا فۋتزالدان 2022 جىلعى ەۋروپا چەمپيوناتىنىڭ فينالدىق كەزەڭٸنٸڭ جەرەبەسٸ تارتىلىپ, قازاقستان قۇراماسىنىڭ قارسىلاستارى انىقتالدى, دەپ حابارلايدى قازاقپارات UEFA سايتىنا سٸلتەمە جاساپ.
قازاقستان قۇراماسى ۆ توبىندا سىنعا تٷسەتٸن بولدى.
قارسىلاستارى - يتالييا, سلوۆەنييا جەنە فينلياندييا. قازاقستاندىق فۋتزالشىلار 20 قاڭتاردا سلوۆەنييامەن كەزدەسەدٸ. ودان كەيٸن 24 قاڭتاردا فينلياندييا, 28 قاڭتاردا يتالييامەن شەبەرلٸك بايقاسادى.
ٶزگە توپتارداعى قۇرامالار بٶلٸنٸسٸ تٶمەندەگٸشە:
ا توبى: نيدەرلاندى, سەربييا نەمەسە بەلارۋس, ۋكراينا, پورتۋگالييا
C توبى: رەسەي, پولشا, سلوۆاكييا, حورۆاتييا
D توبى: گرۋزييا, يسپانييا, ەزەربايجان, بوسنييا جەنە گەرتسەگوۆينا
بۇعان دەيٸن حابارلانعانداي, جەرەبە تارتۋ رەسٸمٸ UEFA.tv ارناسىندا تٸكەلەي ەفيردەن كٶرسەتٸلدٸ. شارا ەلوردا ۋاقىتىمەن ساعات 22:00-دە باستالدى.
سەربييا مەن بەلارۋس قۇرامالارى تاعى بٸر جولدامانى ساراپقا سالادى. ويىندار 14 جەنە 17 قاراشا كٷندەرٸنە بەلگٸلەنگەن.
قۇرلىقتىق دودا 2022 جىلدىڭ 19 قاڭتارى مەن 6 اقپانى ارالىعىندا نيدەرلاندىنىڭ امستەردام جەنە گرونينگەن قالالارىندا ٶتكٸزٸلەدٸ. وندا بارلىعى 16 قۇراما باق سىنايدى.
ايتا كەتەيٸك, قازاقستاندىق فۋتزالشىلار ەۋروپا بٸرٸنشٸلٸگٸندە 2016 جىلى العاش رەت قاتىستى. سول جىلى توپتىق كەزەڭدە رەسەيدەن 1:2 ەسەبٸمەن جەڭٸلٸپ, حورۆاتييادان 4:2 ەسەبٸمەن باسىم تٷستٸ. ودان كەيٸن شيرەك فينالدا يتالييانى 5:2 ەسەبٸمەن سٷرٸندٸردٸ. جارتىلاي فينالدا يسپانيياعا 3:5 ەسەبٸمەن جول بەردٸ. ال 3-ورىن ٷشٸن سايىستا سەربييانى 5:2 ەسەبٸمەن جەڭٸپ, قولا جٷلدەگەر اتاندى.
2018 جىلعى قۇرلىقتىق دودادا B توبىندا پولشانى 5:1 ەسەبٸمەن جەڭسە, رەسەيمەن 1:1 ەسەبٸنە قاناعات بٸلدٸردٸ. ال شيرەك فينالدا سەربييادان 3:1 ەسەبٸمەن ايلاسىن اسىردى. جارتىلاي فينالدا يسپانييامەن نەگٸزگٸ كەزەڭدە 5:5 ەسەبٸمەن تەڭ ويناپ, پەنالتيدەن 1:3 ەسەبٸمەن ەسە جٸبەردٸ.
