بٷگٸن فۋتبولدان 2020 جىلعى ەۋروپا چەمپيوناتى ٸرٸكتەۋ ساتىسىنىڭ سوڭعى تۋرىندا قازاقستان قۇراماسى سىرت الاڭدا شوتلاندييامەن كەزدەسەدٸ, دەپ حابارلايدى قازاقپارات.
قازاقستاندىق فۋتبولشىلار ٶز الاڭىندا اتالمىش قارسىلاسىن العاشقى تۋردا 3:0 ەسەبٸمەن ويسىراتا جەڭدٸ. شوتلاندييا قۇراماسى سول كەتكەن ەسەنٸ بٷگٸن قايتارۋعا تىرىساتىنى انىق. بٷگٸنگٸ كەزدەسۋدٸڭ قوس قۇراما ٷشٸن دە ماڭىزى زور. ەكەۋٸنٸڭ بٸرەۋٸ جەڭٸسكە جەتكەن جاعدايدا ٷشٸنشٸ ورىن سول قۇراماعا بۇيىرادى.
شوتلاندييا اتالمىش ٸرٸكتەۋ ساتىسىنىڭ العاشقى ويىنىندا قازاقستاننان جەڭٸلگەننەن كەيٸن تەپ-تەۋٸر نەتيجەگە قول جەتكٸزدٸ. تٶرت كەزدەسۋدە جەڭٸسكە جەتسە, قالعانىندا بەلگييا جەنە رەسەي سەكٸلدٸ ازۋلى قارسىلاستارىنا ەسە جٸبەردٸ. بٷگٸنگٸ كٷنٸ 12 ۇپاي جيناپ, تۋرنير كەستەسٸندە ٷشٸنشٸ ورىندا تۇر. شوتلاندييا قۇراماسى ٷشٸن بٷگٸن تەڭ نەتيجە تٸركەلسە دە جەتٸپ جاتىر. دەگەنمەن ولار جاعدايىن بۇدان دا جاقسارتىپ الۋى ٷشٸن بارىن سالاتىنى انىق.
بٷگٸنگٸ تاڭدا شوتلاندييا قۇراماسى ساپىندا كٶپتەگەن جاس فۋتبولشىلار ەل نامىسىن قورعاۋعا مٷمكٸندٸك الىپ كەلەدٸ. ايتا كەتەرلٸگٸ, ولاردىڭ كٶپشٸلٸگٸ انگلييا پرەمەر-ليگاسىندا ويىن كٶرسەتەدٸ. تۇماندى البيونداعى اتالمىش دوپ دوداسى ەلەمدە ٷزدٸك رەتٸندە باعالاندى. سوندىقتان ولاردىڭ شەبەرلٸك دەڭگەيٸن جوعارى باعالاۋعا نەگٸز بار. مۇنداي فۋتبولشىلار قاتارىندا «ليۆەرپۋل» نامىسىن قورعايتىن ەندريۋ روبەرتسون, «بلەكبەرن روۆەرس» ويىنشىسى چارلي مالگريۋ, «استون ۆيللادان» دجون ماكلينن, «ساۋتگەمپتوننان» ستيۋارت ارمسترونگ سەكٸلدٸ جٸگٸتتەر ٶز قۇراماسىن ٶرگە سٷيرەيدٸ دەگەن سەنٸم بار.
جانكٷيەرلەر شوتلاندييا قۇراماسى جايىندا جاقسى بٸلەدٸ. بۇرىنعى جىلداردا ولار ەلەمدٸك دودالاردا جيٸ بوي كٶرسەتٸپ جاتاتىن. الايدا سوڭعى كەزەڭدە اتالمىش قۇراما ەلەم جەنە قۇرلىق چەمپيوناتى فينالدىق كەزەڭٸنە شىعا الماي كەلەدٸ. ايتالىق, ولار ەلەم چەمپيوناتىندا 2002 جىلدان بەرٸ باق سىناۋدان شەت قالىپ جٷرسە, ەۋروپا ٷزدٸكتەرٸنٸڭ قاتارىندا 2000 جىلدان باستاپ بوي كٶرسەتكەن جوق. دەگەنمەن ٸرٸكتەۋ كەزەڭدەرٸندە ٶز توبىندا جولداماعا قول سوزىمدا قالىپ قويىپ جٷردٸ.
قازاقستان بيىل تٶرتٸنشٸ مەرتە ەۋروپا چەمپيوناتى ٸرٸكتەۋ ساتىسىنا قاتىسىپ وتىر. العاش 2008 جىلى 8 كوماندا اراسىندا 10 ۇپاي جيناپ, التىنشى ورىنعا تابان تٸرەگەن ەدٸ. 2012 جىلى التى كوماندا اراسىندا 4 ۇپايمەن بەسٸنشٸ, 2016 جىلى التى كوماندا اراسىندا 5 ۇپايمەن بەسٸنشٸ ورىن الدى. بيىل ودان جوعارى نەتيجەگە قول جەتكٸزۋگە مٷمكٸندٸگٸ بار. ونى بٷگٸنگٸ ويىن بارىسى تارازىلايتىن بولادى.
شوتلاندييا جەنە قازاقستان قۇرامالارى اراسىنداعى كەزدەسۋ ەلوردا ۋاقىتىمەن 01.45-تە باستالادى. بۇل ويىن Qazsport تەلەارناسىنان تٸكەلەي ەفيردە كٶرسەتٸلەدٸ. سونداي-اق, بٷگٸن I توبىندا بەلگييا مەن كيپر, سان-مارينو مەن رەسەي قۇرامالارى كەزدەسەدٸ.
