4 جەلتوقساندا وداقتاس ەلدەر ٷكٸمەت باسشىلارىنىڭ قاتىسۋىمەن ەۋرازييالىق ٷكٸمەتارالىق كەڭەستٸڭ وتىرىسى بەينەكونفەرەنتسييا رەجيمٸندە ٶتەدٸ. بۇل تۋرالى ەۋرازييالىق ەكونوميكالىق كوميسسييا القاسى تٶراعاسىنىڭ كٶمەكشٸسٸ ييا مالكينا ونلاين بريفينگٸدە ايتتى, دەپ حابارلايدى قازاقپارات.
وتىرىس بارىسىندا توعىز مەسەلە قارالادى. اتاپ ايتقاندا, تەحنيكالىق رەتتەۋ مينيسترٸ ۆيكتور نازارەنكو تٷزەتۋلەر, تەحنيكالىق رەگلامەنتتەر, تاماق ٶنٸمدەرٸنٸڭ قاۋٸپسٸزدٸگٸ جەنە وعان قاتىستى قۇجاتتار جيىنتىعى تۋرالى ەسەپ بەرەدٸ.
«بەسەكەلەستٸك جەنە مونوپوليياعا قارسى رەتتەۋ مينيسترٸ ارمان شاككاليەۆ ٷكٸمەت باسشىلارىنا بيىل 17 شٸلدە كٷنٸ ٷكٸمەتارالىق كەڭەستە كوميسسييا بەرگەن تاپسىرمالارىن ورىنداۋى تۋرالى ەسەپ بەرەدٸ. ياعني, مەملەكەتتٸك ساتىپ الۋ ماقساتىندا تاۋارلاردىڭ جەكەلەگەن تٷرلەرٸنٸڭ شىققان ەلٸن انىقتاۋ ەرەجەلەرٸ بويىنشا جۇمىس بارىسى تۋرالى. بولاشاقتا بۇل وداق ەلدەرٸنٸڭ مەملەكەتتٸك ساتىپ الۋلارىنا قولجەتٸمدٸ بولاتىن ٶنەركەسٸپتٸك تاۋارلاردىڭ ەۋرازييالىق تٸزٸلٸمٸن قالىپتاستىرۋعا ىقپال ەتەدٸ», - دەيدٸ ەۋرازييالىق ەكونوميكالىق كوميسسييا القاسى تٶراعاسىنىڭ كٶمەكشٸسٸ ييا مالكينا.
ونىڭ ايتۋىنشا, ەۋرازييالىق ٷكٸمەتارالىق كەڭەستٸڭ وتىرىسىندا قارا جەنە تٷستٸ مەتالل قالدىقتارىن قازاقستان اۋماعىنان وداق قۇرامىنداعى باسقا ەلدەرگە تەمٸرجول قۇرالى ارقىلى شىعارۋ مەسەلەسٸ قارالادى.
«ەسكە سالا كەتەيٸك, قازاقستان رەسپۋبليكاسى وسى مەسەلە بويىنشا ەۋرازييالىق ەكونوميكالىق كوميسسييا القاسىنىڭ شەشٸمٸنە شاعىمدانۋ قۇقىعىن پايدالاندى», - دەيدٸ ول.
