ەتنيكالىق قازاقتارعا قازاقستان ازاماتتىعىن جەڭٸلدەتٸلگەن تەرتٸپپەن بەرۋ قۇقىعىن كٶزدەيتٸن زاڭ جوباسى بيىلعى مامىر ايىندا مەجٸلٸس قاراۋىنا ەنگٸزٸلەدٸ. بۇل جايىندا مەجٸلٸس دەپۋتاتتارىنىڭ رەسمي ساۋالىنا جاۋاپ بەرگەن قر پرەمەر-مينيسترٸ باقىتجان ساعىنتاەۆ ايتتى, دەپ حابارلايدى "ۇلت اقپارات".
ٷكٸمەت باسشىسىنىڭ جاۋابىنا سەيكەس, كٶشٸ-قون ساياساتىنىڭ پروبلەمالارىن كەشەندٸ شەشۋ ماقساتىندا ەڭبەك جەنە حالىقتى ەلەۋمەتتٸك قورعاۋ مينيسترلٸگٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە حالىقتىڭ كٶشٸ-قون پروتسەستەرٸن رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىنىڭ تۇجىرىمداماسى ەزٸرلەدٸ. زاڭ جوبالاۋ قىزمەتٸ مەسەلەلەرٸ جٶنٸندەگٸ ۆەدومستۆوارالىق كوميسسيياسىنىڭ 2018 جىلعى 16 قاراشاداعى 466-وتىرىسىندا جوبا ماقۇلداندى.
«اتالعان تۇجىرىمدامادا قازاقستان رەسپۋبليكاسىنا كەلگەن ەتنيكالىق رەپاتريانتتارعا قولايلى جاعدايلار جاساۋ, ونىڭ ٸشٸندە ورالمان مەرتەبەسٸ جوق نەمەسە توقتاتىلعان ەتنيكالىق قازاقتارعا قازاقستاندا تۇرعان مەرزٸمٸنە قاراماستان, قازاقستان رەسپۋبليكاسىنىڭ ازاماتتىعىن جەڭٸلدەتٸلگەن تەرتٸپپەن الۋعا قۇقىق بەرۋ كٶزدەلگەن. جوعارىدا اتالعان زاڭ جوباسىن قازاقستان رەسپۋبليكاسى پارلامەنتٸنٸڭ مەجٸلٸسٸنە 2019 جىلعى مامىر ايىندا ەنگٸزۋ جوسپارلانعان», - دەدٸ باقىتجان ساعىنتاەۆ.
