مۇندا تۇراقتى جۇمىس ٸستەگٸم كەلمەيدٸ. ماعان ٶز كەسٸبٸم جاقىنىراق. بٸراق دەل وسىلاي اسارلاتىپ جاتسا, تەگٸن كٶمەك كٶرسەتۋدەن قاشپايمىز. ەنشٸ قۇرماش ماحان حالىققا قىزمەت كٶرسەتۋ ورتالىعىنداعى جۇمىسىن وسىلاي قورىتتى, دەپ حابارلايدى Sputnik قازاقستان تٸلشٸسٸ.
بٷگٸن استانا جەنە الماتى قالالارىندا "قازاقستان داۋىسى" بايقاۋىنىڭ جەڭٸمپازى شاحريزات سەيداحمەت, ەنشٸ ايجان نۇرماعانبەتوۆا, قۇرماش ماحان مەن مىرزاحان ماحان, پروديۋسەر قىدىرەلٸ بولمان جەنە "حابار" ارناسىنىڭ تەلەجٷرگٸزۋشٸسٸ عاني ٶتەپبايۇلى حالىققا قىزمەت كٶرسەتۋ ورتالىقتارىندا جۇمىس ٸستەپ, حالىقپەن جۇمىس ٸستەۋدٸڭ قانشالىقتى قيىن ەكەندەرٸن ايتىپ بەردٸ.
"جۇمىس ۇناعانىمەن, ٸشكٸ زاڭداردى بٸلمەي قينالىپ جاتقان جايىم بار. سول سەبەپتٸ, الدىن الا دايىندىق كەرەك ەكەن دەپ قورىتىندى شىعاردىم. بٸراق قىزمەت تٷرلەرٸن تولىق مەڭگەرٸپ الۋ ٷشٸن 2 كٷن جەتكٸلٸكتٸ دەپ ويلايمىن. ەكٸنشٸدەن, ادامدارمەن جۇمىس ٸستەۋ ٶتە قيىن ەكەن. كٶپ ادام سابىرسىز ەرٸ تەرتٸپ ساقتاي بەرمەيدٸ. ونىڭ ٷستٸنە اسىعىپ جٷرٸپ, قىزمەت تٷرلەرٸن تەز العىلارى كەلەتٸنٸ تاعى بار. ال جالپى جۇمىس ۇناپ جاتىر. حالىققا قىزمەت كٶرسەتۋ ورتالىعى قىزمەتكەرلەرٸنٸڭ جۇمىسى قانشالىقتى قيىن ەكەنٸن تٷسٸنگەندەيمٸن", — دەيدٸ "حابار" ارناسىنىڭ تەلەجٷرگٸزۋشٸسٸ عاني ٶتەپبايۇلى.
ەنشٸ قۇرماش ماحان دا ەلەكتروندى قىزمەت تٷرلەرٸن قالاي كٶرسەتۋ كەرەكتٸگٸن بٸردەن مەڭگەرە الماعاندىعىن ايتادى. سونداي-اق, ول بۇل قىزمەتكە قاراعاندا ساحنادا ٶنەر كٶرسەتۋدٸڭ وڭاي ەكەنٸن ايتىپ ٶتتٸ.
"مۇنداي جۇمىستى بٸرٸنشٸ رەت جاساپ تۇرعاندىقتان, سەل تٷسٸنە الماي جاتىرمىن. سول سەبەپتٸ, ماعان قانشالىقتى ۇناعانىن ناقتى ايتا المايمىن. دەسە دە, ٶزٸمە كەرەكتٸ بٸراز پايدالى اقپارات جيناپ العان سيياقتىمىن. قىزمەتكەرلەردٸڭ جۇمىسى, راسىمەن, وڭاي ەمەس ەكەن. بارلىعىنىڭ بٸردەي كٶڭٸلٸنەن شىعۋ مٷمكٸن ەمەس دەپ ويلايمىن. حالىق سۇراقتارىنان بٶلەك ٶزدەرٸمەن بٸرگە ٷيدەگٸ قيىندىقتارىن دا ارقالاپ كەلەدٸ. ال مۇندا تۇراقتى جۇمىس ٸستەۋ مەسەلەسٸنە كەلسەك, ٶز كەسٸبٸم ٶزٸمە جاقىنىراق. بٸراق بٷگٸنگٸدەي اسارلاتىپ جاتسا, كٶمەك كٶرسەتۋدەن قاشپايمىز. سونداي-اق, بٸزگە بۇل جارناما ٷشٸن ەشقانداي اقشا تٶلەنبەيتٸنٸن ايتا كەتكٸم كەلەدٸ", — دەيدٸ ەنشٸ.
ال قىدىرەلٸ بولمانوۆ كەرٸسٸنشە بۇل جۇمىسىنا بٸردەن ٷيرەنٸسٸپ كەتكەنٸن ايتتى. مۇنى قۇجاتتارعا بايلانىستى حالىققا قىزمەت كٶرسەتۋ ورتالىعىنا جيٸ كەلۋٸمەن بايلانىستىردى. سونداي-اق, ول حالىقتى قىزمەتكەرلەرگە تٷسٸنٸستٸك تانىتۋعا شاقىردى.
"الدىما كەلگەن حالىققا زاڭدى تۇلعانى ەسەپكە الۋ, ەسەپتەن شىعارۋ جەنە قۇجاتتارعا قول قويۋ سىندى قىزمەت تٷرلەرٸنە بايلانىستى كٶمەك كٶرسەتٸپ جاتىرمىن. ەر ادامنىڭ قىزمەتتٸ تەز العىسى كەلەتٸنٸن دە جاقسى تٷسٸنٸپ وتىرمىن. ولارعا قولىمنان كەلگەنشە كٶمەك كٶرسەتٸپ, قۇجاتتارعا بايلانىستى قيىندىقتارىن شەشۋگە قول ۇشىمدى سوزۋعا ەزٸرمٸن. بٸر اي بۇرىن ٶزٸم دە وسى جەرگە كەلٸپ كٶلٸگٸمدٸ تٸركەتٸپ, قۇجاتتارىن الىپ ەدٸم. ەندٸ مٸنە ٶزگەلەرگە كٶلٸك نٶمٸرلەرٸن ٷلەستٸرٸپ جاتىرمىن. قالاي دەسەك تە, بۇل ٷلكەن جاۋاپكەرشٸلٸكتٸ تالاپ ەتەتٸن قىزمەت. حالىقتىڭ قۇجاتقا قاتىستى قيىندىعىن شەشٸپ قانا قويماي, كٶڭٸل-كٷيلەرٸنە ساي جاۋاپ قايىرا بٸلۋٸڭ قاجەت. جالپى وسى جەردەگٸ جۇمىستىڭ قانشالىقتى قيىن ەكەنٸن تٷسٸندٸم", — دەيدٸ ول.
ەنشٸ شاحريزات سەيداحمەت بولسا, قىزمەتكەرلەرگە سابىر تٸلەدٸ. جۇمىس قيىن بولماسا دا, جٷيكەنٸ توزدىراتىنىن ايتىپ ٶتتٸ.
"مۇندا قىزمەتكەرلەر ەربٸر ايتاتىن سٶزدەرٸنە اباي بولۋلارى كەرەك. بٸرنەرسەنٸ دۇرىس جاساماسا, حالىقتىڭ كٶڭٸلٸنەن شىقپاي قالسا, جەپ وتىرعان ناندارىنان ايىرىلىپ قالۋلارى مٷمكٸن. ەڭ بولماسا مىڭ ادامنىڭ ٸشٸندە بٸر ادام بولىپ وسى جەردەگٸ قىزمەتكەرلەردٸڭ جان دٷنيەسٸن تٷسٸنٸپ كەتكٸم كەلدٸ. (…) ايعاي-شۋدىڭ باسى-قاسىندا بولعان كەزدەرٸم دە بار. ارادا بٸراز ۋاقىت ٶتكەن سوڭ ادامدار مۇندا كەلۋٸن دە قوياتىن شىعار. بٸزدٸڭ بالالارىمىز بۇدان دا راحات ٶمٸر سٷرەدٸ دەپ ويلايمىن. وسىلاي جالعاسا بەرسە, جۇمىس جەڭٸلدەپ, جٷيكەنٸڭ جۇقارۋى ازاياتىن ەدٸ. وسى جەردەگٸ قارىنداستارىمىزعا سابىر بەرسٸن", — دەدٸ ەنشٸ.
