تالليندە 26 قاڭتاردا ەستونييانىڭ جاڭا ٷكٸمەتٸ انت بەردٸ, ونى ەل تاريحىندا العاش رەت ەيەل ادام – رەفورمالار پارتيياسىنىڭ تٶرايىمى كايا كاللاس باسقاردى, دەپ حابارلايدى dw.com.
پارلامەنتتە سٶيلەگەن 43 جاستاعى كاللاس قۇرامى جەتٸ ەيەلدەن تۇراتىن جاڭا كابينەت «ٶسۋ ٷكٸمەتٸ» بولادى دەپ مەلٸمدەدٸ. ول كوروناۆيرۋس پاندەميياسىنان تۋىنداعان ەكونوميكالىق داعدارىستىڭ سالدارىن ەڭسەرۋدٸ بٸرٸنشٸ كەزەكتەگٸ مٸندەتتٸڭ بٸرٸ دەپ اتادى.
ەستونييا پرەزيدەنتٸ كەرستي كاليۋلايد كايا كاللاسقا 13 قاڭتاردا بۇرىنعى پرەمەر-مينيستر, ورتالىقشىل پارتيياسىنىڭ تٶراعاسى يۋري راتاس سىبايلاس جەمقورلىققا بايلانىستى وتستاۆكاعا كەتكەننەن كەيٸن ٷكٸمەت قۇرۋدى ۇسىندى.
Dpa اگەنتتٸگٸنٸڭ حابارلاۋىنشا, بۇل پارتيياعا قاتىستى داۋلى مەملەكەتتٸك نەسيە تۋرالى تەرگەۋ جٷرگٸزٸلٸپ جاتىر. كايا كاللاس – ەۋروپا ٷشٸن ليبەرالدار مەن دەموكراتتار اليانسىنا كٸرەتٸن ەۋروپا پارلامەنتٸنٸڭ بۇرىنعى دەپۋتاتى. ول – بۇرىنعى پرەمەر-مينيستر جەنە ەۋروكوميسسييانىڭ بۇرىنعى مٷشەسٸ بولعان رەفورمالار پارتيياسىن قۇرۋشىلاردىڭ بٸرٸ سييم كاللاستىڭ قىزى.
