Tallinde 26 qańtarda Estoniianyń jańa úkimeti ant berdi, ony el tarihynda alǵash ret áiel adam – Reformalar partiiasynyń tóraiymy Kaia Kallas basqardy, dep habarlaidy dw.com.
Parlamentte sóilegen 43 jastaǵy Kallas quramy jeti áielden turatyn jańa kabinet «ósý úkimeti» bolady dep málimdedi. Ol koronavirýs pandemiiasynan týyndaǵan ekonomikalyq daǵdarystyń saldaryn eńserýdi birinshi kezektegi mindettiń biri dep atady.
Estoniia prezidenti Kersti Kaliýlaid Kaia Kallasqa 13 qańtarda burynǵy premer-ministr, Ortalyqshyl partiiasynyń tóraǵasy Iýri Ratas sybailas jemqorlyqqa bailanysty otstavkaǵa ketkennen keiin úkimet qurýdy usyndy.
Dpa agenttiginiń habarlaýynsha, bul partiiaǵa qatysty daýly memlekettik nesie týraly tergeý júrgizilip jatyr. Kaia Kallas – Eýropa úshin liberaldar men demokrattar aliansyna kiretin Eýropa parlamentiniń burynǵy depýtaty. Ol – burynǵy premer-ministr jáne Eýrokomissiianyń burynǵy múshesi bolǵan Reformalar partiiasyn qurýshylardyń biri Siim Kallastyń qyzy.
