امەريكالىق ESPN سپورت تەلەارناسى WBA (Super), IBO, WBC جەنە IBF تۇجىرىمدارى بويىنشا ەلەم چەمپيونى قازاقستاندىق گەنناديي گولوۆكيندٸ (35-0, 32 كو) "نوكاۋتتار كورولٸ" دەپ اتادى, - دەپ حابارلايدى Vesti.kz. قازاقستاندىق پەن IBF نۇسقاسى بويىنشا ەلەم چەمپيونى ۇلىبريتانييالىق كەلل برۋكپەن (36-0, 25 كو) كەزدەسۋٸ 10 قىركٷيەكتە لوندوندا 20 مىڭ ورىندىق و2 ارەناسىندا ٶتەدٸ.
تەلەارنا "گولوۆكيننىڭ شارشى الاڭدا جىميىپ جٷرسە دە, ەلەمدەگٸ ەڭ قورقىنىشتى قارسىلاستىڭ جاقىن ارالاساتىن كٶرشٸڭ بولىپ شىعۋى" مٷمكٸن ەكەنٸن ايتادى. الايدا GGG شارشى الاڭدا ناعىز جاۋىز جىرتقىشقا اينالادى, سول سەبەپتٸ دە 35 كەزدەسۋدٸڭ 32-سٸن نوكاۋتپەن جەڭگەن (كەزدەسۋلەردٸڭ 91 پايىزى نوكاۋتپەن اياقتالعان). سونداي-اق, گولوۆكين 22 كەزدەسۋدٸ مەرزٸمٸنەن بۇرىن اياقتاعان. ٶزٸنٸڭ سپورت مانسابىندا گولوۆكين ەش ۋاقىتتا نوكداۋندا نەمەسە نوكاۋتتا بولىپ كٶرگەن ەمەس.
ESPN ارناسى گولوۆكيندى "بوكستان ەلەمنٸڭ نومەرٸ بٸرٸنشٸ جۇلدىزى" دەپ سانايدى. ونىڭ مارتين ميۋررەيمەن بولعان كەزدەسۋٸندە اقش-تىڭ نۆو ارناسى 1,4 ميلليون كٶرەرمەن جيناعان, ميلليونعا جۋىق ادام ونى تٸكەلەي ەفيردەن ۇلىبريتانييادان تاماشالاعان. ونىڭ دومينيك ۋەيدپەن ٶتكٸزگەن سوڭعى كەزدەسۋٸن كٶرسەتكەن نۆو ارناسى 1,3 ميلليون كٶرەرمەن جيناعان. ال برۋكپەن بولاتىن كەزدەسۋدٸ 100-گە جۋىق ەل تاراتادى.
ايتا كەتەيٸك, گولوۆكينمەن جۇدىرىقتاسقىسى كەلمەيتٸندەردٸڭ سانى كٶبەيٸپ جاتىر. سونىڭ ٸشٸندە بٷكٸل ەلەمگە تانىمال بولعان ساۋل "كانەلو" الۆارەس, ميگەل كوتتو, حۋليو سەزار چاۆەس جەنە بيللي دجو سوندەرستەر بار.
الايدا ەلەمنٸڭ بۇرىنعى چەمپيونى دجونني نەلسون برۋكتىڭ گولوۆكيننىڭ جۇلدىزدى جولىن توقتاتادى دەپ سەنەدٸ ەكەن. ونىڭ ويىنشا, برۋك بٸرٸنشٸ رەت گولوۆكيندى تٸپتٸ نوكاۋتقا جٸبەرەدٸ.
