پەتروپاۆلدا قۇرىلىس جۇمىستارى كەزٸندە ادام سٷيەكتەرٸ تابىلدى. تاريحي دەرەكتەرگە سەيكەس, قازٸرگٸ قۇرىلىس الاڭى ورنالاسقان اۋماقتا XIX عاسىردىڭ سوڭىندا پايدا بولعان ٸرٸ پراۆوسلاۆيەلٸك زيرات بولعان. وندا 10-15 مىڭعا دەيٸن ادام جەرلەنۋٸ مٷمكٸن, دەپ حابارلايدى ult.kz.
پەتروپاۆلوۆسك.news باسىلىمىنىڭ مەلٸمەتٸنشە, ادام سٷيەكتەرٸ شامامەن ەكٸ اپتا بۇرىن جەر قازۋ جۇمىستارى كەزٸندە انىقتالعان. كەيٸن قۇرىلىس الاڭىنا ەرٸكتٸلەر كەلٸپ, ارنايى تەحنيكا جۇمىسى اياقتالعان سوڭ, توپىراق اراسىنان تابىلعان سٷيەكتەردٸ جيناۋعا كٶمەكتەسكەن. سونىمەن قاتار جەردەن مويىنعا تاعاتىن كرەستتەر دە تابىلعان.
تاريحي مەلٸمەت بويىنشا, زيرات پەتروپاۆلدىڭ سول كەزدەگٸ شەتٸندە 1890-1894 جىلدارى بارلىق ەۋليەلەر شٸركەۋٸنٸڭ قۇرىلىسى باستالعان كەزەڭدە پايدا بولعان. سوڭعى جەرلەۋ رەسٸمدەرٸ 1950-جىلدارى جٷرگٸزٸلگەن.
باسىلىم مەلٸمەتٸنشە, بۇرىنعى زيرات اۋماعىنىڭ بٸر بٶلٸگٸ بٷگٸندە جامبىل كٶشەسٸ, «اۆانگارد» ستاديونى جەنە باسقا دا نىسانداردىڭ استىندا قالعان. بۇل اۋماقتا بۇعان دەيٸن دە ادام سٷيەكتەرٸ تابىلعان.
2008 جىلى قۇرىلىس كەزٸندە تابىلعان سٷيەكتەر بارلىق ەۋليەلەر شٸركەۋٸنٸڭ ماڭىنا قايتا جەرلەنٸپ, بۇل تۋرالى ەسكەرتكٸش ورناتىلعان. شٸركەۋ ٶكٸلدەرٸنٸڭ ايتۋىنشا, بۇرىنعى زيراتتىڭ كەي بٶلٸگٸ كەيٸن تٷرلٸ قۇرىلىس نىساندارىنا بەرٸلگەن.
سٷيەكتەر تابىلعاننان كەيٸن قۇرىلىس الاڭىنا پوليتسييا شاقىرىلعان.
«ادام سٷيەكتەرٸنٸڭ تابىلۋىنا بايلانىستى پوليتسييادا ماتەريال تٸركەلدٸ. قىلمىستىق سيپاتتاعى بەلگٸلەر انىقتالعان جوق. سٷيەكتەردٸڭ شىعۋ تەگٸن جەنە ولاردىڭ تابىلۋىنا قاتىستى ٶزگە دە مەن-جايلاردى انىقتاۋ ٷشٸن تەكسەرۋ تاعايىندالدى. ونىڭ نەتيجەسٸ بويىنشا تٷپكٸلٸكتٸ قورىتىندى جاسالادى», – دەپ حابارلادى پوليتسييا دەپارتامەنتٸ.
پەتروپاۆل قالاسىنىڭ ەكٸمدٸگٸ بۇعان دەيٸن جينالعان ادام سٷيەكتەرٸنٸڭ قايتا جەرلەنگەنٸن راستاعان.
الايدا سٷيەكتەردٸڭ ناقتى قاي جەرگە قايتا جەرلەنگەنٸ, رەسٸمنٸڭ قاشان ٶتكەنٸ جەنە قانشا قالدىق جينالعانى تۋرالى مەلٸمەت بەرٸلمەگەن.
سونداي-اق قۇرىلىس جۇمىستارى بارىسىندا جاڭا سٷيەكتەر تابىلعان جاعدايدا ولاردى كٸم جينايتىنى جەنە بۇل پروتسەستٸ كٸم باقىلايتىنى ەزٸرگە بەلگٸسٸز.
