استانادا جول-كٶلٸك وقيعاسىنان كٶز جۇمعان ەسكەندٸر سٷلەيمەنوۆتىڭ ٸسٸنە قاتىستى سوت پروتسەسٸندە ايىپتالۋشى ماليكا مۇحيتوۆا جەبٸرلەنۋشٸ تاراپ تالاپ ەتكەن 14,752 ملن تەڭگەنٸ تٶلەۋگە دايىن ەكەنٸن مەلٸمدەدٸ, دەپ حابارلايدى قازاقپارات تٸلشٸسٸ.
سوت پروتسەسٸ بارىسىندا سۋديا جەبٸرلەنۋشٸ تاراپتىڭ ازاماتتىق تالاپ-ارىزىنا بايلانىستى ايىپتالۋشىعا سۇراق قويدى.
«يە, تالاپ بويىنشا ٶتەماقىنى تولىعىمەن ٶتەۋگە دايىنمىن. بٸز ول تاراپتان بانك شوتىنىڭ نٶمٸرٸن جولداۋدى ٶتٸنگەن ەدٸك. الايدا ولار بانك شوتىن ەلٸ جٸبەرگەن جوق», - دەدٸ ماليكا مۇحيتوۆا.
ەسكە سالا كەتسەك, وسى جىلدىڭ ماۋسىمىندا استاناداعى جول اپاتىندا ولجاس سٷلەيمەنوۆتٸڭ 26 جاستاعى نەمەرەسٸ ەسكەندٸر سٷلەيمەنوۆ مەرت بولعان ەدٸ. ەسكەندٸر تٸزگٸندەگەن موتوتسيكل قيىلىسقا شىققان كٶلٸككە سوعىلدى.
ارادا كٶپ ٶتپەي استانا قالالىق ٸشكٸ ٸستەر دەپارتامەنتٸ اپاتقا سەبەپكەر بولۋى مٷمكٸن Hyundai اۆتوكٶلٸگٸنٸڭ يەسٸ, 29 جاستاعى استانالىق كەلٸنشەككە قاتىستى تەرگەۋ امالدارى جٷرٸپ جاتقانىن حابارلاعان ەدٸ.
سونداي-اق, قالالىق پوليتسييا دەپارتامەنتٸ ەسكەندٸر سٷلەيمەنوۆتٸڭ موتوتسيكلى سوعىلعان جٷرگٸزۋشٸ قىزىلوردا وبلىستىق ٸشكٸ ٸستەر دەپارتامەنتٸ باستىعىنىڭ قىزى ەكەنٸن راستاعان.
ايتا كەتسەك, 12 قازاندا ولجاس سٷلەيمەنوۆتٸڭ نەمەرەسٸنٸڭ ٶلٸمٸنە قاتىستى سوت پروتسەسٸ باستالىپ, ەسكەندٸر سٷلەيمەنوۆ قازا تاپقان جول اپاتى بويىنشا سوتتالۋشى ماليكا مۇحيتوۆا مارقۇمنىڭ اتا-اناسىنان كەشٸرٸم سۇراعان ەدٸ.
ٶتكەن سوت وتىرىسىندا ەسكەندٸر سٷلەيمەنوۆتٸڭ تۋىستارى كەلتٸرٸلگەن زالالدى ٶتەۋدٸ (14 ميلليون تەڭگە) تالاپ ەتكەن.
دەگەنمەن, سوت وتىرىسىنان كەيٸن ەسكەندٸر سٷلەيمەنوۆتٸڭ اناسى ۇلىنا قاتىستى سوتتان تەك ەدٸل ٷكٸم كٷتەتٸنٸن مەلٸم ەتكەن ەدٸ.
