جىل باسىنان بەرٸ ەسٸرتكٸنٸ ناسيحاتتاۋ نەمەسە جارنامالاۋدىڭ 48 فاكتٸسٸ انىقتالدى. بۇل تۋرالى قر ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باسقارما باستىعى بەرٸكحان نۇرعاليەۆ ايتتى, دەپ حابارلايدى "ۇلت اقپارات".
«جىل باسىنان بەرٸ ينتەرنەت ارقىلى ەسٸرتكٸ ساتۋ فاكتٸسٸ بويىنشا 18 قىلمىستىق ٸس تٸركەلٸپ, ەكەۋٸ سوتقا جٸبەرٸلدٸ. مەسەلەن, ماڭعىستاۋ وبلىسىندا سينتەتيكالىق ەسٸرتكٸنٸ تاراتقانى جەنە جارنامالاعانى ٷشٸن 19 جەنە 22 جاستاعى ەكٸ جٸگٸت ۇستالدى. ولار گراففيتي تاڭبالاپ, بەلگٸلەر قالدىرىپ وتىرعان. كٷدٸكتٸنٸڭ كٸشٸسٸ جارنامالىق گراففيتي تاڭبالاپ, 9 بەلگٸ قالدىرعان. ال ەكٸنشٸ كٷدٸكتٸ ۇستالعان كەزدە جاسىرىن جەرلەرگە 40 ٸرٸ جەنە بٸر رەتتٸك دوزانى قويىپ ٷلگەرگەن», - دەدٸ ول ٸٸم باسپاسٶز قىزمەتٸ الاڭىندا ٶتكەن بريفينگ بارىسىندا.
ونىڭ اتاپ دەرەگٸنشە, سينتەتيكالىق زاتتاردى جاسىرىن جەرلەرگە قويىپ جٷرگەن ەكٸ ادام ۇستالدى.
«ٶتكەن جىلدان باستاپ ەسٸرتكٸنٸ ناسيحاتتاعانى نەمەسە زاڭسىز جارنامالاعانى ٷشٸن قىلمىستىق جاۋاپكەرشٸلٸك ەنگٸزٸلدٸ. 6 جىلعا دەيٸن باس بوستاندىقتان ايىرۋ جازاسى قاراستىرىلعان. جىل باسىنان بەرٸ مۇنداي 48 قىلمىس تٸركەلدٸ. ايتالىق, الماتىدا 29 جاستاعى جٸگٸت ۇستالىپ, ونىڭ زاتتارىن تٸنتۋ بارىسىندا ەسٸرتكٸ تاراتاتىن سايتتارعا سٸلتەمە جازىلعان جاپسىرمالار تەركٸلەندٸ», - دەدٸ بەرٸكحان نۇرعاليەۆ.
