سينتەتيكالىق ەسٸرتكٸ گەرويندٸ نارىقتان ىعىستىرا باستاعان. بۇل تۋرالى ٸشكٸ ٸستەر مينيسترلٸگٸ ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باسقارما باستىعى باقىتجان ەمٸرحانوۆ ايتتى, دەپ حابارلايدى قازاقپارات.
«استاناداعى پسيحيكالىق دەنساۋلىق ورتالىعى مامانىنىڭ اقپاراتى بويىنشا, بٷگٸندە گەريونگە تەۋەلدٸ ناشاقورلار سيرەك كەزدەسەتٸن بولعان. قازٸر كٶبٸنە سينتەتيكالىق ەسٸرتكٸگە تەۋەلدٸ ناۋقاستار كٶپ تٷسەدٸ. ونىڭ كٶبٸ اۋىر ەرٸ تەرەڭ پسيحوز دەرتٸنە جەنە ورتالىق جٷيكە جٷيەسٸنٸڭ سالدانۋىنا شالدىعادى», - دەيدٸ مامان.
ونىڭ ايتۋىنشا, مۇنداي ەسٸرتكٸنٸ ساتۋشىلار ينتەرنەتتٸڭ ەلەۋەتٸن تٷگەل پايدالانىپ جٷر.
«بٸز ٶز جۇمىسىمىزدا ەسٸرتكٸ جارناماسىمەن كٷرەسكە باسىمدىق بەرٸپ وتىرمىز. زاڭناماداعى تٷزەتۋلەر بويىنشا بۇل ەرەكەتتەر اۋىر جەنە اسا اۋىر قىلمىس تٷرٸنە جاتقىزىلعان, ٶمٸر بويى باس بوستاعاندىعىنان ايىرۋعا دەيٸن ۇزاق مەرزٸمدٸ جازا قاراستىرىلعان.بيىل 5 ايدا ەسٸرتكٸ ساۋداسىمەن بايلانىستى 105 سوتقا دەيٸنگٸ تەرگەۋ تٸركەلدٸ. ونىڭ 56-سى جارنامامەن, 49-ٸ ينتەرنەت ساتۋمەن بايلانىستى», - دەدٸ باسقارما باسشىسى.
سونداي-اق, ول زاڭناما ارقىلى 89 پسيحيكالىق اكتيۆتٸڭ زاتتىڭ اتاۋىن تيٸستٸ نورمالارعا ەنگٸزۋ ارقىلى بەلگٸلٸ سينتەتيكالىق ەسٸرتكٸنٸڭ بەرٸن قۇقىقتىق الاڭعا شىعارۋ مٷمكٸن بولعانىن ەسكە سالدى.
«وسىنىڭ ارقاسىندا 2018-2020 جىلدار ارالىعىندا تەركٸلەنگەن سينتەتيكالىق ەسٸرتكٸ كٶلەمٸ ونداعان ەسە ارتتى. ٷش جىل بۇرىن 5 كەلٸ تەركٸلەنسە, 2020 جىلى 96 كەلٸ تەركٸلەندٸ. جىل باسىنان بەرٸ عانا 41 كەلٸ سينتەتيكالىق ەسٸرتكٸ تەركٸلەنٸپ, ەسٸرتكٸمەن بايلانىستى 529 قىلمىس تٸركەلدٸ. ونىڭ ٸشٸندە 219 سينتەتيكالىق ەرسٸتكٸ ساتۋ, 48 ساقتاۋ فاكتٸسٸ انىقتالدى. ەسٸرتكٸ جارناماسىن تاراتقان 740 سايت بۇعاتتالىپ, 10 زەرتحانا جابىلدى. ول جەردەن 15 كەلٸدەن استام دايىن ەسٸرتكٸ, 35 ليتر قوسالقى سۇيىقتىق تابىلدى», - دەدٸ باقىتجان ەمٸرحانوۆ.
