دٷنيەجٷزٸلٸك سۋدى مونيتورينگٸلەۋ جەنە تالداۋ كٷنٸنە وراي ەكولوگييا, گەولوگييا جەنە تابيعي رەسۋرستار مينيسترلٸگٸ ەسٸل ٶزەنٸندەگٸ سۋدان سىناما الۋ پروتسەسٸن كٶرسەتتٸ, دەپ حابارلايدى قازاقپارات.
«قورشاعان ورتانىڭ لاستانۋىن سىناۋ زەرتحاناسى ەسٸل ٶزەنٸنەن سۋ سىناماسىن الدى. سىناما الۋ كەزٸندە تەمپەراتۋرا ٶلشەنەدٸ, سودان كەيٸن سىناما زەرتحاناعا جەتكٸزٸلٸپ, ورگانيكالىق قۇرامى, اۋىر مەتالداردىڭ بولۋى, تۇزدىڭ قۇرامى زەرتتەلەدٸ», - دەدٸ «قازگيدرومەت» رمك قورشاعان ورتانىڭ لاستانۋىنىڭ مونيتورينگٸ سىناق زەرتحاناسىنىڭ باسشىسى ەربول ورازالين.
ونىڭ ايتۋىنشا, سۋدىڭ ساپاسىن وسىلاي باقىلاۋ جۇمىسى اي سايىن جٷرگٸزٸلەدٸ.
«نۇر-سۇلتاندا بٸز باقىلايتىن جەتٸ سۋ قويماسى جەنە سىناما الاتىن 20 ورىن بار. بٸزدٸڭ سۋ ايدىندارى ەڭ تازا سۋ ايدىنى ەمەس ەكەنٸن مويىنداۋىمىز كەرەك, بٸراق رۇقسات ەتٸلگەن شەكتٸ كونتسەنتراتسييا مٶلشەردەن اسىپ كەتپەيتٸنٸن دە ايتا كەتكەن جٶن. بٸز بٸرنەشە جىلدان بەرٸ ەسٸل ٶزەنٸنە مونيتورينگ جٷرگٸزٸپ كەلەمٸز جەنە سۋ قۇرامىندا ايتارلىقتاي ٶزگەرٸستەر بولعان جوق», - دەيدٸ ول.
ەربول ورازالين سۋ قۇرامى نە سەبەپتٸ ايتارلىقتاي ٶزگەرمەگەنٸ تۋرالى دا مەلٸم ەتتٸ.
«بٸزدە سۋدى قاتتى لاستايتىن ٸرٸ زاۋىتتار مەن كەسٸپورىندار جوق. ەگەر سۋ قۇرامىنداعى كەيبٸر كٶرسەتكٸشتەر قالىپتان اسىپ كەتسە, وندا بٸز اقپاراتتى تٶتەنشە جاعدايلار دەپارتامەنتٸنە, نۇر-سۇلتان ەكٸمدٸگٸنٸڭ ەكولوگييا دەپارتامەنتٸنە جٸبەرەمٸز. ولار سۋ قۇرامىن قالىپقا كەلتٸرۋ جوسپارىن ەزٸرلەپ, پروبلەمالىق نٷكتەنٸ تاۋىپ, تالداۋ جٷرگٸزەدٸ. بٸراق مەن تاعى دا قايتالايمىن, ەسٸل ٶزەنٸندە شامادان تىس كٶرسەتكٸش بولىپ كٶرگەن جوق», - دەيدٸ ول.
مەكەمەنٸڭ باسپاسٶز قىزمەتٸ حابارلاعانداي, «قازگيدرومەت» رمك ەلٸمٸزدٸڭ 143 سۋ وبەكتٸسٸندە ورنالاسقان 424 نٷكتەسٸندە, ونىڭ ٸشٸندە 93 ٶزەندە, 31 كٶلدە, 15 سۋ قويماسىندا, 3 ارنا جەنە 1 تەڭٸزدە سۋدىڭ ساپالىق جاي-كٷيٸنە باقىلاۋ جٷرگٸزەدٸ.
