فوتو: Akorda.kz
پرەزيدەنت «تۇران» جەنە «وڭتٷستٸك-شىعىس» گاز جىلۋ ستانتسييالارىنىڭ, سورعى-سٷزگٸ ستانتسيياسىنىڭ جەنە ٷشٸنشٸ جەو-نىڭ قۇرىلىس جۇمىستارىنىڭ بارىسىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
استانا قالاسىنىڭ ەكٸمٸ جەڭٸس قاسىمبەك مەملەكەت باسشىسىنا «وڭتٷستٸك-شىعىس» گاز جىلۋ ستانتسيياسىنىڭ جەنە جالپى قۋاتى ساعاتىنا 700 گيگاكالوريي بولاتىن «تۇران» گاز جىلۋ ستانتسيياسىنىڭ بٸرٸنشٸ كەزەڭٸنٸڭ قۇرىلىستارى اياقتالعانى تۋرالى مەلٸمەت بەردٸ. ونىڭ ايتۋىنشا, «وڭتٷستٸك-شىعىس» ستانتسيياسى مىنجىلدىق اللەياسى, «نۇرلى جول» ۆوكزالى, «باعىستان» تۇرعىن الابى سيياقتى قۇرىلىسى قارقىندى تٷردە جٷرٸپ جاتقان اۋدانداردى, ال «تۇران» ستانتسيياسى قالانىڭ سول جاعالاۋىندا جاڭادان سالىنىپ جاتقان اۋماقتى تۇراقتى جىلۋمەن قامتاماسىز ەتەدٸ.
مەملەكەت باسشىسىنا اتالعان گاز جىلۋ ستانتسييالارى بيىلعى جىلىتۋ ماۋسىمىنىڭ باسىنان باستاپ ٸسكە قوسىلاتىنى جٶنٸندە باياندالدى. جىل اياعىنا دەيٸن ٷشٸنشٸ جەو-نىڭ قۇرىلىسى اياقتالادى. ٷش جاڭا نىسان قالانى قوسىمشا جىلۋمەن قامتاماسىز ەتەدٸ. ونىڭ قۋاتى – ساعاتىنا 1140 گيگاكالوريي. «تۇران» گاز جىلۋ ستانتسيياسىنىڭ ەكٸنشٸ كەزەڭٸنٸڭ سالىنۋى جەنە «تەلمان» جاڭا گاز جىلۋ ستانتسيياسى قۋاتى ساعاتىنا 850 گيگاكالوريي بولاتىن قوسىمشا جىلۋ بەرەدٸ.
قۇرىلىس كومپانيياسىنىڭ ٶكٸلدەرٸ قازاقستاندا گاز جىلۋ ستانتسييالارىنىڭ ٶندٸرٸستەگٸ وتاندىق ٷلەسٸن ارتتىرۋ ٷشٸن گاز جابدىقتارىن ٶندٸرۋشٸ كەسٸپورىنمەن ارادا ۋاعدالاستىقتار بار ەكەنٸن جەتكٸزدٸ.
پرەزيدەنت گاز جىلۋ ستانتسييالارىن كەزەڭ-كەزەڭمەن پايدالانۋعا بەرۋدٸ تاپسىردى.
– ەڭ الدىمەن, جوبالاردىڭ ساپاسى جوعارى بولۋعا تيٸس. بٸز ونى قاداعالايمىز. مۇنداي جوبالار قالاعا ٶتە قاجەت. مەن بۇل جەرگە وسى ماقساتپەن كەلدٸم. ەر قالادا ٷش نەگٸزگٸ مەسەلە بار. ولار – جىلۋ, جارىق جەنە سۋ. تۇرعىندار بۇل قاجەتتٸلٸكتەرمەن مٸندەتتٸ تٷردە قامتاماسىز ەتٸلۋٸ كەرەك. ونىڭ ٷستٸنە, سٶز ەلوردا تۋرالى بولىپ وتىر. ەشقانداي كٸدٸرٸس بولماۋعا تيٸس. بۇل, تٷپتەپ كەلگەندە, بٸزدٸڭ مەملەكەتٸمٸزدٸڭ بەدەلٸ مەن يميدجٸنە قاتىستى مەسەلە. سوندىقتان اتالعان مەسەلەنٸ بەرٸمٸز جۇمىلىپ, مٸندەتتٸ تٷردە تولىق شەشۋٸمٸز قاجەت, – دەدٸ مەملەكەت باسشىسى.
جەڭٸس قاسىمبەك پرەزيدەنتكە استانا سۋ قويماسىنان تارتىلاتىن سۋ قۇبىرىنىڭ جەنە سورعى-سٷزگٸ ستانتسيياسىنىڭ ٸسكە قوسىلۋى جٶنٸندە ايتتى. ونىڭ مەلٸمەتٸ بويىنشا بيىلعى قاراشادا نۇرا جەراستى سۋ كٶزٸنەن قۋاتى 48 مىڭ تەكشە مەتر بولاتىن سۋ قۇبىرىن تارتۋ, سونداي-اق «تەلمان» سورعى ستانتسيياسىنىڭ قۋاتىن كٷنٸنە 160 مىڭ تەكشە مەترگە دەيٸن جەتكٸزۋ جٶنٸندەگٸ جوبالاۋ جۇمىستارى اياقتالادى.
قاسىم-جومارت توقاەۆ ەلوردا حالقىنىڭ سانى جىلدان-جىلعا كٶبەيٸپ كەلە جاتقانىنا بايلانىستى قوسىمشا سۋ كٶزدەرٸمەن قامتاماسىز ەتۋ جولدارىن ٸزدەۋ قاجەتتٸگٸنە نازار اۋداردى. سونداي-اق قالاداعى جاڭا جىلۋ نىساندارىنىڭ قۇرىلىسىن ۋاقتىلى اياقتاۋدى تاپسىردى.
