قر بٸلٸم جەنە عىلىم مينيسترلٸگٸ ساباقتى ونلاين ٶتكٸزۋدٸ توقتاتۋ كەرەك دەگەن شەشٸمگە كەلدٸ. بۇل تۋرالى ورتالىق كوممۋنيكاتسييالار قىزمەتٸنٸڭ الاڭىندا ٶتكەن مەكتەپ وقۋشىلارىنىڭ ٸV توقساندا قاشىقتان وقۋ جٷيەسٸنە ارنالعان ونلاين كونفەرەنتسييادا ايتىلدى, دەپ حابارلايدى "ۇلت اقپارات".
«ۇستازدارمەن بٸرنەشە ونلاين كەزدەسۋ ٶتكٸزدٸم. سوندا قاشىقتان وقىتۋ تۋرالى ۇسىنىستار تٷسٸپ جاتىر. بٸز ول ۇسىنىستارمەن كەلٸسٸپ, ساباقتى ونلاين ٶتكٸزۋدٸ توقتاتۋ كەرەك دەگەن شەشٸمگە كەلدٸك. مەن ايتقان پلاتفورمالارمەن جۇمىس ٸستەۋدٸڭ بٸرنەشە تيٸمدٸ جاعى بار. بۇل جٷيە بويىنشا ەرتٷرلٸ سۇراقتار تۋىندايتىن بولادى», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, قازٸرگٸ ۋاقىتتا بارلىق تەكسەرۋ توقتاتىلدى.
«قازٸرگٸ كەزدە مۇعالٸمدەردەن, مەكتەپتەردەن جينالاتىن ەسەپتەر كٶپ بولىپ كەتتٸ. بۇل ەسەپتەردٸ توقتاتۋ تۋرالى بۇيرىق شىعاردىق. ەشقانداي مۇعالٸمنەن سىنىپ جۋرنالىنان باسقا ەشقانداي ەسەپ تالاپ ەتٸلمەۋٸ كەرەك دەگەن شەشٸم قابىلدادىق. قازٸرگٸ جاعدايدى ٶزدەرٸڭٸز بٸلەسٸزدەر, سوندىقتان بٷگٸنگٸ كٷنٸ بالالارىمىزعا, ۇستازدارىمىزعا, ەرٸپتەستەرٸمٸزگە سەنۋٸمٸز كەرەك. كەيبٸر جەرلەردە ٶتكٸزٸپ جاتقان ساباقتىڭ سكرينشوتىن تالاپ ەتەدٸ, كەيبٸر جەردە ٶتكٸزگەن ساباقتى ۆيدەوعا تٷسٸرٸپ الۋدى تالاپ ەتەدٸ. وسىنداي كەلەڭسٸز جاعدايلارعا كٶزٸمٸز جەتٸپ وتىر. مۇنداي نەرسەگە جول بەرمەيمٸز, سوندىقتان ەشقانداي ەسەپتەر قاجەت ەمەس. ٶڭٸرلەردە باقىلاۋ باسقارمالارى بار, ول دەپارتامەنتتەرگە دە وسىنداي تاپسىرما بەردٸ. ەندٸ ولار تەكسەرٸس جٷرگٸزبەك تٷگٸلٸ, ۇستازداردان ەسەپتٸ تالاپ ەتپەۋ مەسەلەسٸن قاداعالاپ وتىراتىن بولادى. بٸز ٷيرەنگەن دەستٷرلٸ وقۋ كەستەسٸ دە بولمايدى. بالا تاپسىرمانى ٶزٸنە ىڭعايلى ۋاقىتتا ورىندايدى. ەڭ باستىسى – بٸزگە نەتيجە كەرەك. ول نەتيجەنٸ بٸز جيناقتىق باقىلاۋدا كٶرٸپ وتىرامىز. جالپى بالالارىمىزعا سەنٸپ, قولداۋىمىز كەرەك», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
