ۇلت پورتالى پوشتاسىنا "تۇران ەلەم بانكٸنٸڭ" بۇرىنعى باسشىسى ەرجان تەتٸشەۆتٸڭ وتباسى اتىنان حات كەلٸپ تٷستٸ. جاقىندا عانا تەتٸشەۆ ٶلٸمٸنە قاتىستى دەرەكتەر قايتا قارالىپ, 13 جىلدان كەيٸن شەشٸم ٶزگەرگەن بولاتىن. وسى وقيعاعا قاتىستى ەرجان تەتٸشەۆ جانۇياسى ٷندەۋ حات جازعان ەكەن. نازارلارىڭىزعا ۇسىنامىز.
***
ۋاقىتقا تٶتەپ بەرگەن تٶرەشٸ – ول ەدٸلدٸك.
ٶمٸردەن ەرتە وزعان ەرجاننىڭ جٷرەگٸمٸزدەگٸ عۇمىرى مەڭگٸ بولا بەرمەك.
كٶپ كٷتكەن ٷكٸم كٷشٸنە ەنٸپ, قىلمىسكەرلەر ٶز كٸنەسٸن مويىنداعان بۇل كٷندە يىق سٷيەسٸپ, بٸزدەرمەن بٸرگە ەدٸل زاڭعا ٷمٸت ارتىپ, وسى كٷرەستە قولتىعىمىزدان سٷيەپ, دەمەۋ بولعان ٸزگٸ نيەتتٸ ادامدارعا العىس ايتقىمىز كەلەدٸ. بۇل كٷرەس تابانى كٷرەكتەي 14 جىلعا سوزىلىپ, اقىرى ەدٸلدٸك ۋاقىتتىڭ ٶزٸنە تٶتەپ بەرٸپ, تٶرەلٸگٸن ايتتى.
سەرگەلدەڭگە سالعان وسى جىلدار بويى قٶڭٸلٸمٸز قۇلازىپ, قابىرعامىز قايىستى. جان تٷرشٸگەرلٸك جاۋىز قىلمىستار زور مەرتەبە, قۇدٸرەت-مانساپ, قيساپسىز اقشانىڭ تاساسىندا قالىپ, ساياسات سىلتاۋىمەن جىلى جابىلىپ كەلگەنٸ جانىمىزعا باتتى. بٸراق, بٸزدەردەي زاڭ كٷشٸنە سەنٸپ, شىندىق ٷشٸن كٷرەسكەن تٸلەۋلەستەر دەيٸم جانىمىزدان تابىلىپ كەلدٸ. اقىرى اق-قاراسىن ايىرعان ەدٸل تەرگەۋ, اشىق سوت شىتىرماننىڭ شيەسٸن تارقاتىپ, جاۋىزدار جازاسىن الدى.
قولمەن ٸستەگەندٸ مويىنمەن كٶتەرمەك كەرەك. ەشكٸم دە زاڭ قۇرىعىنان قۇتىلمايدى. ەرجانعا قارسى قىلمىستارعا قاتىسى بار قاندىقول قاراقشىلاردىڭ بەرٸ دە سازايىن تارتاتىنىن بٸلەمٸز ھەم سەنەمٸز. ەرينە, بۇل سەنٸم قازانىڭ ورنىن تولتىرىپ, قاسٸرەتتەن ارىلتپاس, الايدا, ابزال ۇل, اعا, جار, ەكە بولعان اياۋلى جاننان ايىرىلعان جارادار قٶڭٸلدەردٸ جۇباتىپ, جىلاۋلى كٶزدەردٸڭ جاسىن تىيۋعا سەپ بولارى انىق.
مٸنە, بٷگٸندە ەدٸلدٸك ٸزدەپ الاسۇرعان بارشا جاندارعا بٸزدٸڭ ايتارىمىز: تۇيىققا تٸرەلدٸك دەپ, توقتاماڭىزدار. ماقساتقا جەتپەي, تىنباڭىزدار. ٶزگەلەر كٷدەر ٷزسە دە, كٷرەسە بەرٸڭٸزدەر. كٷرەسكەن جەتەر مۇراتقا!
تەتٸشەۆ جانۇياسى!
